പിക്കപ്പ് വാൻ കെ.എസ്.ആർ.ടി.സി ബസുമായി കൂട്ടിയിടിച്ച് യുവാവ് മരിച്ചു

കൊച്ചി: ചക്ക കയറ്റാൻ പോയ പിക്കപ്പ് വാൻ കെ.എസ്.ആർ.ടി.സി ബസുമായി കൂട്ടിയിടിച്ച് യുവാവ് മരിച്ചു. പെരുമ്പാവൂർ മലമുറിയിൽ വെച്ചാണ് സംഭവം. പുക്കാട്ടുപടി മലയിടം തുരുത്ത് സ്വദേശി മണ്ണേപറമ്പിൽ വീട്ടിൽ ഷിഹാബാണ് മരിച്ചത്.

പിക്കപ്പ് വാനിലുണ്ടായിരുന്ന രണ്ട് ഇതര സംസ്ഥാന തൊഴിലാളികളെ ഗുരുതര പരുക്കുകളോടെ കളമശേരി മെഡിക്കൽ കോളജിലേക്ക് മാറ്റി. ഇന്ന് പുലർച്ചെ ആറിന് എം.സി റോഡിൽ ആയിരുന്നു സംഭവം.