വായ്പ തിരിച്ചടവ്​ മുടങ്ങിയ ഇരട്ട സഹോദരങ്ങൾ വീട്ടിനകത്ത്​ മരിച്ച നിലയിൽ

കോട്ടയം: കടുവാക്കുളത്ത് ഇരട്ട സഹോദരങ്ങളെ തൂങ്ങി മരിച്ച നിലയിൽ കണ്ടെത്തി. കൊച്ചുപറമ്പിൽ ഫാത്തിമാബീവിയുടെ മക്കളായ നിസാർ ഖാൻ (34), നസീർ ഖാൻ (34) എന്നിവരാണ്​ മരിച്ചത്​. സാമ്പത്തികബാധ്യതയാണ് ആത്മഹത്യക്ക്​ കാരണമെന്നാണ് പൊലീസി​െൻറ പ്രാഥമിക നിഗമനം. വായ്​പ തിരിച്ചടവ്​ മുടങ്ങിയതിനെത്തുടർന്ന്​ ബാങ്ക്​​ അധികൃതർ വീട്ടിലെത്തിയിരുന്നതായി അയൽവാസികൾ പറഞ്ഞു.

ഞായറാഴ്​ച രാത്രി മാതാവിനൊപ്പം ടി.വി കണ്ടശേഷം കിടക്കാൻ പോയതായിരുന്നു ഇരുവരും. തിങ്കളാഴ്​ച രാവിലെ ആറോടെ ചായയുണ്ടാക്കി വിളിക്കാൻ ചെന്നപ്പോഴാണ്​ നസീറിനെ തൂങ്ങിയനിലയിൽ കണ്ടത്​. മാതാവി​െൻറ നിലവിളി ​കേട്ട്​ അടുത്തുള്ളവർ ഓടിയെത്തിയപ്പോൾ അടുത്ത മുറിയിൽ നിസാറിനെയും മരിച്ചനിലയിൽ കണ്ടെത്തുകയായിരുന്നു.

2019 മേയ് രണ്ടിന്​​ കോട്ടയം സഹകരണ അർബൻ ബാങ്ക്​ മണിപ്പുഴ ശാഖയിൽനിന്ന്​ 13 ലക്ഷം രൂപ​ വായ്​പ എടുത്തിരുന്നു​. 10 വർഷം കാലാവധിയുള്ള പർച്ചേസ് ലോണാണ് എടുത്തത്. ഈ തുക ഉപയോഗിച്ചാണ്​ കടുവാക്കുളത്ത്​ ഇപ്പോൾ താമസിക്കുന്ന അടുത്തടുത്ത രണ്ട്​ കൊച്ചുവീടുകൾ വാങ്ങിയത്​. മൂന്നുവർഷമേ ആയിട്ടുള്ളൂ ഇവർ ഇവിടെ എത്തിയിട്ട്​. അതിനുമുമ്പ്​ 10 വർഷത്തിലേറെ നാട്ടകം സിമൻറ്​ കവലയിൽ വാടകക്ക്​ താമസിച്ചിരുന്നു. ​

കോടിമതയിൽ എസ്​ ആൻഡ്​​ എസ്​ സ്ഥാപനത്തിൽ​ ക്രെയിൻ ഓപറേറ്റർമാരായിരുന്നു ഇരുവരും. എന്നാൽ, ക്രെയിൻ ഉടമ സജി എന്ന ജയകുമാർ അടുത്തിടെ കോവിഡ്​ ബാധിച്ച്​ മരിച്ചതോടെ ജോലിയില്ലാതായി. സാമ്പത്തിക പ്രതിസന്ധി അലട്ടിയിരുന്നതായാണ്​ വിവരം. വായ്​പ മുടങ്ങി ബാങ്ക്​ അധികൃതർ വീട്ടിലെത്തിയതോടെ ഇരുവരും കുറച്ചുനാളായി വീടിന്​ പുറത്തിറങ്ങാറില്ല.

അവിവാഹിതരാണ്​ ഇരുവരും. വിവാഹിതരായ രണ്ട്​ സഹോദരിമാരുണ്ട്​. വിവരമറിഞ്ഞ്​ ജില്ല പഞ്ചായത്ത്​ അംഗം പി.കെ. വൈശാഖ്​, പള്ളം ബ്ലോക്ക്​ പഞ്ചായത്ത്​ അംഗം സിബി ജോൺ കൊല്ലാട്​, വാർഡ്​ മെംബർ ഷീബ ലാലിച്ചൻ, കോട്ടയം ഡിവൈ.എസ്​.പി ജെ. സന്തോഷ്​​ കുമാർ, കോട്ടയം ഈസ്​റ്റ്​ സ്​റ്റേഷൻ ഹൗസ്​ ഓഫിസർ റെ​േജാ പി. ജോസഫ്​ എന്നിവർ സ്ഥലത്തെത്തി. ഇൻക്വസ്​റ്റ്​ പൂർത്തിയാക്കി മൃതദേഹം ജില്ല ആശുപത്രിയിലേക്ക്​ മാറ്റി. കോവിഡ്​ പരിശോധനക്കും പോസ്​റ്റ്​മോർട്ടത്തിനും ശേഷം ചൊവ്വാഴ്​ച താഴത്തങ്ങാടി ജുമാമസ്​ജിദ്​ ഖബർസ്ഥാനിൽ ഖബറടക്കും.