വാഹനാപകടത്തിൽ​ പരിക്കേറ്റ യുവാവ്​ മരിച്ചു

ചേർത്തല (ആലപ്പുഴ): അപകടത്തെ തുടർന്ന് പാതയോരത്ത്​ അവശനിലയിൽ കണ്ടെത്തിയ യുവാവ് മരിച്ചു. അന്ധകാരനഴി തറയിൽ ലംബോധര​െൻറ മകൻ വിനീഷ് (36) ആണ് മരിച്ചത്.

ദേശീയ പാതയിൽ ചേർത്തല തങ്കിക്കവലക്ക്​ സമീപത്താണ് വിനീഷിനെ അവശനിലയിൽ കണ്ടത്. ആശുപത്രിയിലെത്തിച്ചെങ്കിലും രക്ഷിക്കാനായില്ല. ബൈക്കിൽനിന്ന് വീണതാണോ മറ്റേതെങ്കിലും വാഹനം ഇടിച്ചതാണോ എന്ന് വ്യക്തമല്ല.

തങ്കി കവലയിലെ മത്സ്യവിൽപ്പന കേന്ദ്രത്തിലേക്ക്​ വരുമ്പോഴായിരുന്നു അപകടം. കനകമ്മയാണ് മാതാവ്. ഭാര്യ: അജിത. മക്കൾ: അപ്പു, അനന്തു.