ബൈക്കിനു മുകളിൽ മരം മുറിഞ്ഞ് വീണ് അധ്യാപകൻ മരിച്ചു

ബാലു​ശ്ശേരി: ബൈക്കിനു മുകളിൽ മരം മുറിഞ്ഞ് വീണ് യുവാവിന് ദാരുണാന്ത്യം. ഉള്ളിയേരി എ.യു.പി സ്‌കൂളിലെ അധ്യാപകന്‍ പുതുക്കുടി പി. മുഹമ്മദ് ഷെരീഫ് ആണ് മരിച്ചത്.

വെള്ളിയാഴ്ച രാവിലെ മടവൂരിലെ വീട്ടില്‍ നിന്ന് സ്കൂളിലേക്ക് വരുന്നതിനിടയില്‍ നന്മണ്ട അമ്പലപ്പൊയിലില്‍ വച്ചായിരുന്നു അപകടം. മൃതദേഹം ബാലുശ്ശേരി താലൂക്ക് ആശുപത്രിയില്‍. പിതാവ്: പരേതനായ അബൂബക്കര്‍. മാതാവ് കദീജ. ഭാര്യ: മാരിയത്ത്.