ബസ് സ്കൂട്ടറിലിടിച്ച് സോഫ്റ്റ്‌വെയർ എൻജിനീയർ മരിച്ചു

നാഗർകോവിൽ: തക്കലയ്ക്ക് സമീപം തമിഴ്നാട് സർക്കാർ ബസ് സ്കൂട്ടറിലിടിച്ച് സോഫ്റ്റ്‌വെയർ എൻജിനീയറായ യുവാവ് മരിച്ചു. കുലശേഖരം ഉണ്ണിയൂർ കോണം സ്വദേശി യേശുദാസിന്‍റെ മകൻ ജെനിസ് ജോൺ (35) ആണ് മരിച്ചത്.

വില്ലുക്കുറിയിൽ വാടക വീട്ടിൽ താമസിക്കുന്ന ജെനിസ് ഉണ്ണിയൂർകോണത്ത്​ പുതുതായി നിർമിക്കുന്ന വീട്​ സന്ദർശിച്ച്​ മടങ്ങുമ്പോഴാണ് അപകടം. തക്കല പൊലീസ് കേസെടുത്തു.

വള്ളിയൂർ കോടതി ജീവനക്കാരിയായ ആൻസി ശർമിളയാണ്​ ജെനിസിന്‍റെ ഭാര്യ. ആറ് മാസം പ്രായമുള്ള കുഞ്ഞുണ്ട്.