എടവണ്ണപ്പാറയിൽ ബൈക്കിടിച്ച് കാൽനടയാത്രികന് ദാരുണാന്ത്യം

എടവണ്ണപ്പാറ: മലപ്പുറം എടവണ്ണപ്പാറ അങ്ങാടിയിൽ ബൈക്ക് ഇടിച്ച് കാൽനടയാത്രികൻ മരിച്ചു. ബാങ്ക് ഉദ്യോഗസ്ഥനായ അശോകൻ ആണ് മരിച്ചത്. ബുധനാഴ്ച വൈകീട്ട് മൂന്നരയോടെയായിരുന്നു അപകടം.

അമിത വേഗതയിലെത്തിയ ബൈക്ക് അശോകനെ ഇടിച്ച് തെറിപ്പിക്കുകയായിരുന്നു. ഇടിയുടെ ആഘാതത്താൽ സംഭവ സ്ഥലത്തുതന്നെ മരിക്കുകയായിരുന്നു. ബൈക്ക് ഓടിച്ച യുവാവിനെ സാരമായ പരിക്കുകളോടെ ആശുപത്രിയിൽ പ്രവേശിപ്പിച്ചു. അശോകന്‍റെ മൃതദേഹം കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി.