മൂന്നാറിൽ കാർ കൊക്കയിലേക്ക്​ മറിഞ്ഞ്​ ഒരു മരണം

അടിമാലി: മൂന്നാർ എല്ലപ്പെട്ടിയിൽ കാർ കൊക്കയിലേക്ക്​ മറിഞ്ഞ്​ ഒരാൾ മരിച്ചു. കുമളി സ്‌പ്രിങ്​ വാലി കുറ്റിവയലിൽ ഷാജി കെ. ചുമ്മാറാണ്​ (52) മരിച്ചത്. സഹോദരൻ ബേബി (65), ബന്ധുക്കളായ ഡിറ്റോ (27), നിഖിൽ (28) എന്നിവർക്ക്​ പരിക്കേറ്റു.

വ്യാഴാഴ്ച പുലർച്ച മൂന്നോടെയാണ് അപകടം. കുമളിയിൽനിന്ന്​ ടോപ് സ്റ്റേഷനി​ലെ ഹോസ്റ്റേയിലേക്ക് പോകുന്നതിനിടെ എല്ലപ്പെട്ടിയിൽവെച്ച് എതിരെ വന്ന വാഹനത്തിന് സൈഡ് നൽകവെ നിയന്ത്രണം വിട്ട കാർ കൊക്കയിലേക്ക് മറിയുകയായിരുന്നു. ഷാജി സംഭവസ്ഥലത്ത് മരിച്ചു. ഡിറ്റോയും നിഖിലും കോലഞ്ചേരി മെഡിക്കൽ കോളജ്​ ആശുപത്രിയിൽ ചികിത്സയിലാണ്.

ഷാജിയുടെ മൃതദേഹം അടിമാലി താലൂക്ക്​ ആശുപത്രിയിൽ പോസ്റ്റ്​മോർട്ടത്തിനുശേഷം ബന്ധുക്കൾക്ക് വിട്ടുനൽകി. സംസ്കാരം വെള്ളിയാഴ്ച രാവിലെ 11ന് സ്പ്രിങ്​വാലി നസ്രാണിപുരം സെന്‍റ്​ മാത്യൂസ് പള്ളി സെമിത്തേരിയിൽ. ഭാര്യ: മുണ്ടക്കയം 35ാം മൈൽ കോയിക്കൽ വീട്ടിൽ ബിന്ദു (വാട്ടർമെലൻ ബ്യൂട്ടി പാർലർ, കുമളി, കട്ടപ്പന). മക്കൾ: ഡെല്ല, ഡെന്നു, ഡെറോൺ.