നിയന്ത്രണംവിട്ട സ്കൂട്ടർ മതിലിലിടിച്ച് യുവാവ് മരിച്ചു
text_fieldsതാമരശ്ശേരി: നിയന്ത്രണവിട്ട സ്കൂട്ടർ മതിലിലിടിച്ച് യുവാവ് മരിച്ചു. ഓമശ്ശേരി അമ്പലത്തിങ്ങൽ കണ്ണൻ കോടുമ്മൽ രാജു (45) ആണ് മരിച്ചത്. താമരശ്ശേരി -മുക്കം സംസ്ഥാന പാതയിൽ ചുടലമുക്കിൽ വ്യാഴാഴ്ച രാവിലെ ഒമ്പതോടെയായിരുന്നു അപകടം. നാട്ടുകാർ ഉടൻ താമരശ്ശേരി താലൂക്ക് ആശുപത്രിയിൽ എത്തിച്ചെങ്കിലും മരിച്ചിരുന്നു. നിയന്ത്രണം വിട്ടെത്തിയ സ്കൂട്ടർ വീടിെൻറ ഗേറ്റിനോട് ചേർന്ന മതിൽഭാഗത്ത് ഇടിച്ച് തലക്ക് ഗുരുതരമായി പരിക്കേറ്റതാണ് മരണകാരണമെന്ന് പൊലീസ് പറഞ്ഞു. ഇമ്പിച്ചി നാഗൻ-ദേവകി ദമ്പതിമാരുടെ മകനാണ്. ഭാര്യ: ഓമന. മക്കൾ: അനാമിക, അനഘ. സഹോദരങ്ങൾ: ബിജു, ഷാജു, വിമല, നിഷ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.