വാഹനാപകടത്തിൽ ബൈക്ക് യാത്രികൻ മരിച്ചു
text_fieldsകുറ്റ്യാടി: വട്ടോളി ഗവ. യു.പി സ്കൂളിന് സമീപം കനാൽ പാലത്തിനടുത്തുണ്ടായ വാഹനാപകടത്തിൽ ബൈക്ക് യാത്രികൻ മരിച്ചു. കക്കട്ടിൽ സഹകരണ റൂറൽ ബാങ്ക് ജീവനക്കാരൻ വട്ടോളി മീത്തലെ പറമ്പത്ത് രാമചന്ദ്രനാണ് (56) മരിച്ചത്. കുറ്റ്യാടി ഭാഗത്തുനിന്ന് വരുകയായിരുന്ന രാമചന്ദ്രൻ സഞ്ചരിച്ച ബൈക്കിൽ എതിർദിശയിൽനിന്ന് വന്ന കാർ ഇടിക്കുകയായിരുന്നുവെന്ന് നാട്ടുകാർ പറഞ്ഞു. ബൈക്കിൽനിന്ന് തെറിച്ചുവീണ രാമചന്ദ്രനെ ഉടൻ കുറ്റ്യാടി താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ശനിയാഴ്ച മുള്ളൻകുന്ന് നിടുവാലിൽ കക്കട്ടിൽ സഹകരണ റൂറൽ ബാങ്കിൻെറ പരിസ്ഥിതി ദിനാഘോഷത്തിലും വിളവെടുപ്പ് ഉത്സവത്തിലും പങ്കെടുത്ത് ഉച്ചക്ക് വീട്ടിലേക്ക് പോകുമ്പോഴായിരുന്നു അപകടം. ഭാര്യ: സീന. മക്കൾ: ജിഷ്ണു, ഷംന. സഹോദരങ്ങൾ: ശോഭ, ഷൈജ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.