ചു​ര​ത്തി​ല്‍ കാ​റും ലോ​റി​യും കൂ​ട്ടി​യി​ടി​ച്ച് എ​ട്ടു വ​യ​സ്സു​കാ​രി മ​രി​ച്ചു

അ​ഞ്ചു​പേ​ര്‍ക്ക് പ​രി​ക്ക്​

ഈ​ങ്ങാ​പ്പു​ഴ: താമരശ്ശേരി ചു​ര​ത്തി​ല്‍ കാ​റും ലോ​റി​യും കൂ​ട്ടി​യി​ടി​ച്ച് എ​ട്ടു​വ​യ​സ്സു​കാ​രി മ​രി​ച്ചു. മൂ​ന്നു കു​ട്ടി​ക​ള്‍ ഉ​ള്‍പ്പെ​ടെ അ​ഞ്ചു​പേ​ര്‍ക്ക് പ​രി​ക്കേ​റ്റു. വ​യ​നാ​ട്ടി​ല്‍ നി​ന്നു വ​രു​ക​യാ​യി​രു​ന്ന കു​ടും​ബം സ​ഞ്ച​രി​ച്ച കാ​റാ​ണ് അ​പ​ക​ട​ത്തി​ല്‍ പെ​ട്ട​ത്. എ​ളേ​റ്റി​ല്‍ വ​ട്ടോ​ളി പ​ന​ച്ചി​ക്കു​ന്ന് അ​സീ​സി​െൻറ ര​ണ്ടാ​മ​ത്തെ മ​ക​ള്‍ ന​ജ ഫാ​ത്തി​മ​യാ​ണ്​ (എ​ട്ട്) മ​രി​ച്ച​ത്. സ​ഹോ​ദ​ര​ങ്ങ​ളാ​യ ഫാ​ത്തി​മ സ​ന്‍ഹ (10), മു​ഹ​മ്മ​ദ് ഇ​ര്‍ഫാ​ന്‍ (3), അ​സീ​സി​െൻറ സ​ഹോ​ദ​രീ ഭ​ര്‍ത്താ​വ് ഉ​ണ്ണി​കു​ളം വ​ള്ളി​യോ​ത്ത് ക​ണ്ണാ​റ​പൊ​യി​ല്‍ ഷം​സീ​ര്‍ (38), മ​ക​ള്‍ നൈ​ഫ ഫാ​ത്തി​മ (ഏ​ഴ്) എ​ന്നി​വ​ര്‍ക്കാ​ണ് പ​രി​ക്കേ​റ്റ​ത്. ഇ​വ​രെ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ന​ജ ഫാ​ത്തി​മ​യു​ടെ മാ​താ​വ്​: സു​ഹ​റ. വ​യ​നാ​ട് ചു​ണ്ട​യി​ല്‍നി​ന്ന്​ മ​ട​ങ്ങു​ക​യാ​യി​രു​ന്ന അ​സീ​സും കു​ടും​ബ​വും സ​ഞ്ച​രി​ച്ച കാ​റും ചു​രം ക​യ​റു​ക​യാ​യി​രു​ന്ന ലോ​റി​യു​മാ​ണ് കൂ​ട്ടി​യി​ടി​ച്ച​ത്. തി​ങ്ക​ളാ​ഴ്ച രാ​വി​ലെ 11 മ​ണി​യോ​ടെ ഒ​ന്നാം വ​ള​വി​ന് താ​ഴെ ചി​ന്നോം​പാ​ല​ത്തി​നു സ​മീ​പ​ത്താ​യി​രു​ന്നു സം​ഭ​വം. അ​പ​ക​ട​ത്തി​ല്‍ പ​രി​ക്കേ​റ്റ് തീ​വ്ര പ​രി​ച​ര​ണ വി​ഭാ​ഗ​ത്തി​ല്‍ ക​ഴി​യു​ക​യാ​യി​രു​ന്ന ന​ജ ഫാ​ത്തി​മ രാ​ത്രി ഏ​ഴു​മ​ണി​യോ​ടെ​യാ​ണ് മ​രി​ച്ച​ത്. അ​പ​ക​ട​ത്തെ തു​ട​ര്‍ന്ന് ചു​ര​ത്തി​ല്‍ ഒ​രു​മ​ണി​ക്കൂ​റോ​ളം ഗ​താ​ഗ​തം ത​ട​സ്സ​പ്പെ​ട്ടു.