ഗുഡ്സ് ഓട്ടോ സ്കൂട്ടറുകളിൽ ഇടിച്ച് ഗൃഹനാഥൻ മരിച്ചു
text_fieldsബേപ്പൂർ: ബേപ്പൂർ കയർ ഫാക്ടറിക്ക് സമീപം ഗുഡ്സ് ഓട്ടോ സ്കൂട്ടറുകളിൽ ഇടിച്ച് ഗൃഹനാഥൻ മരിച്ചു. പരിക്കേറ്റ മകൻ ആശുപത്രിയിൽ ചികിത്സ തേടി. മാറാട് വാട്ടർ ടാങ്കിന് സമീപം ചുടുകാട് പറമ്പിൽ താമസിക്കുന്ന എലത്തൂർ സ്വദേശി വലിയകത്ത് മമ്മദ്കോയയാണ് (62) മരിച്ചത്. വെള്ളിയാഴ്ച പുലർച്ചെ നാലരയോടെ എതിരെവന്ന ഗുഡ്സ് ഓട്ടോറിക്ഷ നിയന്ത്രണംവിട്ട് സ്കൂട്ടറുകളിൽ ഇടിക്കുകയായിരുന്നു. സ്കൂട്ടറിൽ മത്സ്യക്കച്ചവടം ചെയ്യുന്ന പിതാവും മകനും രണ്ടു സ്കൂട്ടറുകളിൽ ബേപ്പൂർ ഫിഷിങ് ഹാർബറിൽ എത്തിയെങ്കിലും ഹാർബറിൽ മത്സ്യം കുറവായതു കാരണം കോഴിക്കോട് സെൻട്രൽ മാർക്കറ്റിലേക്ക് പോകുമ്പോഴാണ് അപകടം. നാട്ടുകാരും പൊലീസും ചേർന്ന് ആശുപത്രിയിലേക്ക് കൊണ്ടുപോയെങ്കിലും മമ്മദ്കോയ കോഴിക്കോട്ടെ സ്വകാര്യ ആശുപത്രിയിൽ മരിച്ചു. ബേപ്പൂർ എസ്.ഐ അബ്ദുൽ വഹാബിന്റെ നേതൃത്വത്തിൽ ഇൻക്വസ്റ്റ് നടത്തി മെഡിക്കൽ കോളജ് ആശുപത്രിയിൽ പോസ്റ്റ്മോർട്ടത്തിന് ശേഷം രാത്രി മാത്തോട്ടം ഖബർസ്ഥാനിൽ ഖബറടക്കി. ഭാര്യ. മിസ്റുൽ കരിമ. മക്കൾ: അശ്റഫ്, മർജാന, മുഹ്സിന. മരുമകൻ: അൻവർ. സഹോദരങ്ങൾ: ബാവ, ഫാത്തിമ, ജമീല, ആമിന, സുഹറ, പരേതനായ ഗഫൂർ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
