സ്കൂളി​െൻറ മേൽക്കൂര തകർന്നുവീണ് അധ്യാപികക്ക് ദാരുണാന്ത്യം

ലുധിയാന: പഞ്ചാബിൽ സ്‌കൂളി​െൻറ മേല്‍ക്കൂര തകര്‍ന്നുവീണ് അധ്യാപിക മരിച്ചു. ബഡോബലിലെ സര്‍ക്കാര്‍ സ്‌കൂള്‍ കെട്ടിടത്തി​െൻറ മേല്‍ക്കൂരയാണ് തകര്‍ന്നുവീണത്. മൂന്ന് പേർ അവശിഷ്ടങ്ങൾക്കിടയിൽ കുടുങ്ങി.

സ്റ്റാഫ് റൂമില്‍ അധ്യാപകര്‍ ഇരിക്കുന്നതിനിടെയാണ് അപകടം. ഗുരുതര പരിക്കേറ്റ അധ്യാപികയെ ഉടന്‍ തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. പരിക്കേറ്റവർ അപകടനില തരണം ചെയ്തു. അതേസമയം, മേല്‍ക്കൂര തകര്‍ന്നുവീണതി​െൻറ കാരണം വ്യക്തമല്ല. പൊലീസ് അന്വേഷണം ആരംഭിച്ചു. വിദ്യാഭ്യാസ മന്ത്രി ഹർജോത് ബെയിൻസാണ് ഈ വിവരം പങ്കുവെച്ചത്.