സ്റ്റാന്‍റിൽ ബസ്​ കാത്തു നിന്ന വിദ്യാർഥി ബസ്സിനടിയിൽപ്പെട്ട്​ മരിച്ചു

മലപ്പുറം: വണ്ടൂരിൽ ബസ്സിനടിയിൽപ്പെട്ട്​ വിദ്യാർഥി മരിച്ചു. കാപ്പിച്ചാൽ ഏല​മ്പ്ര സ്വദേശി നിഥിൻ (17) ആണ്​ മരിച്ചത്​.

വെള്ളിയാഴ്ച രാവിലെ 8.30 ഓടെ വണ്ടൂർ മണലിമ്മൽ പാടം ബസ് സ്റ്റാൻ്റിലാണ് അപകടം. എലമ്പ്ര ശിവദാസന്‍റെ മകനാണ്​ മമ്പാട്​ ഗവ. സ്കൂളിൽ പ്ലസ്​ടു വിദ്യർഥിയായ​ നിഥിൻ.

കാളികാവ് കോഴിക്കോട് റൂട്ടിലോടുന്ന കെ.പി ബ്രദേഴ്സ് ബസ്റ്റാൻ്റിലെ ട്രാക്കിൽ നിന്ന് മുന്നോട്ടെടുത്തപ്പോഴാണ് അപകടം സംഭവിച്ചത്. നിഥിന് പെട്ടെന്ന് ട്രാക്കിൽ നിന്ന് മാറാൻ കഴിഞ്ഞില്ലെന്ന് സംഭവസ്ഥലത്തുണ്ടായിരുന്നവർ പറയുന്നു.

നിഥിൻ സംഭവസ്ഥലത്ത് തന്നെ മരിച്ചതായാണ് വിവരം. മൃതദേഹം മഞ്ചേരി ഗവ മെഡിക്കൽ കോളേജിലേക്ക് മാറ്റി.