കോഴിക്കോട് അഗസ്ത്യൻമൂഴിയിൽ കാർ ഓട്ടോയിലിടിച്ച് ഒരാൾ മരിച്ചു

കോഴിക്കോട്: മുക്കം അഗസ്ത്യമൂഴിയിൽ കാർ ഓട്ടോയിലിടിച്ച് ഓട്ടോ ഡ്രൈവർ മരിച്ചു. തൊണ്ടിമ്മൽ കൊടിയങ്ങൽ രവി(84)യാണ് മരിച്ചത്. അപകടത്തിൽ നാലുപേർക്ക് പരിക്കേറ്റു​. ഇവർ ചികിത്സയിലാണ്. പരിക്കേറ്റ രണ്ടു പേരുടെ നില ഗുരുതരമാണ്.

അമിത വേഗതയിൽ വരികയായിരുന്ന സ്വിഫ്റ്റ് കാർ ഓട്ടോയിൽ ഇടിക്കുകയായിരുന്നു. ഉച്ചക്കു ശേഷമായിരുന്നു അപകടം. അഗസ്ത്യമൂഴി റോസ് തിയേറ്ററിനു മുന്നിലാണ് അപകടം നടന്നത്.