മകനോടൊപ്പം ബൈക്കിൽ സഞ്ചരിക്കുമ്പോൾ റോഡിലേക്ക് തെറിച്ചുവീണ സ്ത്രീക്ക് ദാരുണാന്ത്യം

തിരുവല്ല : മകന്റെ ബൈക്കിന് പിന്നിലിരുന്ന് സഞ്ചരിക്കവേ റോഡിലേക്ക് തെറിച്ചു വീണ സ്ത്രീ ടിപ്പർ കയറി മരിച്ചു. കാവുംഭാഗം പുതുക്കാട്ടിൽ വീട്ടിൽ രാജമ്മ (50 ) ആണ് മരിച്ചത്.

ഇന്ന് രാവിലെ പത്തേ മുക്കാലോടെ തിരുവല്ല - മല്ലപ്പള്ളി റോഡിലെ കുറ്റപ്പുഴ മാടമുക്കിൽ ആയിരുന്നു അപകടം. എതിരെ വന്ന വാഹനത്തിൽ ബൈക്ക് തട്ടിയതിനെ തുടർന്ന് രാജമ്മ റോഡിലേക്ക് തെറിച്ചു വീഴുകയായിരുന്നു എന്നാണ് പ്രാഥമിക നിഗമനം മൃതദേഹം തിരുവല്ലയിലെ സ്വകാര്യ ആശുപത്രി മോർച്ചറിയിലേക്ക് മാറ്റി.