ഒന്നരവയസുകാരി ബക്കറ്റിലെ വെള്ളത്തിൽ മുങ്ങി മരിച്ചു

മംഗളൂരു: നഗരത്തിൽ കാവൂരിൽ താമസിക്കുന്ന ഇതര സംസ്ഥാന തൊഴിലാളി ദമ്പതികളുടെ പിഞ്ചു കുഞ്ഞ് കളിക്കുന്നതിനിടെ വെള്ളം നിറച്ച ബക്കറ്റിൽ വീണ് മരിച്ചു.ഝാർഖണ്ഡ് സ്വദേശി ഫൈറോസ് അൻസാരിയുടെ മകൾ ആഇശയാണ്(ഒന്നര) മരിച്ചത്.

കാവൂർ മസ്ജിദിന് സമീപം വാടക വീട്ടിലാണ് അൻസാരിയും കുടുംബവും താമസം.മകൾ ഇടുങ്ങിയ പാർപ്പിടത്തിൽ കളിക്കുകയായിരുന്നു.വെള്ളം ശേഖരിച്ചു വെച്ച ബക്കറ്റിൽ അബദ്ധത്തിൽ വീണത് രക്ഷിതാക്കൾ അറിയാൻ വൈകിപ്പോയി. കാവൂർ പൊലീസ് കേസെടുത്തു.