കാറിടിച്ച് ഒൻപതു വയസുകാരൻ മരിച്ചു; അപകടം കടയിൽ നിന്നും സാധനങ്ങൾ വാങ്ങി പോകുന്നതിനിടെ

കുറ്റിക്കോൽ: കടയിൽ നിന്നും സാധനങ്ങൾ വാങ്ങി റോഡരികിലൂടെ നടന്ന് പോവുകയായിരുന്ന ഒമ്പത് വയസുകാരൻ കാറിടിച്ച് മരിച്ചു. കുറ്റിക്കോൽ പളളത്തുപാറയിലെ മുഹമ്മദ്‌ നൗശാദ്- മുനീബ ദമ്പതികളുടെ മകൻ മുഹമ്മദ്‌ ബിലാൽ ആണ് മരിച്ചത്.

വീടിനടുത്തുള്ള കടയിൽ നിന്നും സാധനങ്ങൾ വാങ്ങി റോഡരികിലൂടെ നടന്നുപോകുമ്പോഴാണ് കാറിടിച്ചത്. അതീവ ഗുരുതരാവസ്ഥയിൽ കുട്ടിയെ ചെങ്കള സഹകരണ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കാർ അമിത വേഗതയിലായിരുന്നുവെന്ന് പറയുന്നു.