ഉംറ തീർഥാടകരായ പിതാവും നാലുമക്കളും അപകടത്തിൽ മരിച്ചു; മാതാവിന് പരിക്ക്​

ജിദ്ദ: സൗദിയിൽ വാഹനാപകടത്തിൽ ഉംറ തീർഥാടകരായ ഒരു കുടുംബത്തിലെ അഞ്ചുപേർ മരിച്ചു, ഒരാൾക്ക്​ പരിക്കേറ്റു. മക്ക-റിയാദ് റോഡിൽ തിങ്കളാഴ്ചയുണ്ടായ അപകടത്തിൽ യു.എ.ഇയിൽനിന്നെത്തിയ ജോർദാൻ കുടുംബത്തിലെ പിതാവും നാലുമക്കളുമാണ് മരിച്ചത്​.

ഉംറ നിർവഹിച്ച ശേഷം കുടുംബം യു.എ.ഇയിലേക്ക് മടങ്ങു​േമ്പാഴാണ്​ ഇവർ സഞ്ചരിച്ച കാർ അപകടത്തിൽപ്പെട്ടത്​. പിതാവും മാതാവും നാല്​ മക്കളുമാണ്​ വാഹനത്തിലുണ്ടായിരുന്നത്​. പിതാവ്​ മാലിക്​ അക്​റം, മക്കളായ അക്​റം, മായ, ദനാ, ദീമ എന്നിവരാണ്​ മരിച്ചത്​. മാതാവ്​ വലിയ പരി​ക്കുകളി​ല്ലാതെ രക്ഷപ്പെട്ടു.

മൃതദേഹങ്ങൾ ഹുഫുഫ്​ മേഖല കിങ്​ ഫഹദ്​ ആശുപത്രി മോർച്ചറിയിലേക്ക്​​ മാറ്റി. നടപടികൾ പൂർത്തിയാക്കാൻ സൗദിയിലെ ജോർദാൻ എംബസി രംഗത്തുണ്ട്​.