വാഹനാപകടം: അഞ്ച് വിദ്യാർഥികൾ മരിച്ചു

മുംബൈ: മഹാരാഷ്​ട്രയിൽ വാഹനാപകടത്തിൽ അഞ്ച് വിദ്യാർഥികൾ മരിച്ചു. നാസിക്കിലാണ് സംഭവം. നാല് പേർക്ക് പരിക്കേറ്റു. 18നും 20നും ഇടയിൽ ​പ്രായമുളള എട്ട് കോളജ് വിദ്യാർഥികൾ സഞ്ചരിച്ച കാറാണ് അപകടത്തിൽപ്പെട്ടത്. സിന്നാറിനടുത്തുള്ള മൊഹാദരി ഘട്ടിലാണ് സംഭവം.

സിന്നാറിൽ നിന്നും നാസിക്കിലേക്ക് പോവുകയായിരുന്നു ഇവരുടെ വാഹനം എതിർദിശയിൽ നിന്നും വന്ന രണ്ട് കാറുകളുമായി കൂട്ടിയിടിക്കുകയായിരുന്നു. അഞ്ച് പേർ സംഭവസ്ഥലത്തുവെച്ച് തന്നെ മരിച്ചു. എതിരെ വന്ന കാർ ​ഡ്രൈവർക്കും പരിക്കേറ്റു. പരിക്കേറ്റ നാലു പേരും ചികിത്സയിലാണ്.