മാധ്യമ പ്രവർത്തകൻ വിപിൻ ചന്ദ് നിര്യാതനായി

കൊച്ചി: മാധ്യമപ്രവർത്തകൻ വിപിൻ ചന്ദ്(41) ഹൃദയാഘാതത്തെ തുടർന്ന് നിര്യാതനായി. ഞായറാഴ്ച പുലർച്ചെ രണ്ട്​ മണിയോടെയായിരുന്നു അന്ത്യം.

മാതൃഭൂമി സീനിയർ ചീഫ് റിപ്പോർട്ടറായിരുന്നു. കോവിഡാനന്തര ചികിത്സക്കിടെ ന്യുമോണിയ ബാധിതനായ അദ്ദേഹം എറണാകുളം മെഡിക്കൽ ട്രസ്റ്റ് ആശുപത്രിയിൽ ചികിത്സയിലായിരുന്നു.

പറവൂർ ആലങ്ങാട് കൊടുവഴങ്ങ സ്വദേശിയാണ്.