ആദ്യകാല മാധ്യമപ്രവർത്തക കെ.ജി. രാജമ്മ നിര്യാതയായി

​നെടുമ്പാശേരി: ആദ്യകാല മാധ്യമപ്രവർത്തകയും പൗരൻ സ്ഥാപക പത്രാധിപർ പരേതനായ കെ.ജി. കൃഷ്ണൻ കുട്ടിയുടെ ഭാര്യയുമായ കെ.ജി. രാജമ്മ (85) നിര്യാതയായി. പൗരൻ പബ്ലിക്കേഷൻസ് മുൻ ഡയറക്ടറും പത്രാധിപ സമിതിയംഗവുമായിരുന്നു. മികച്ച തിരുവാതിരകളി പ്രവർത്തകക്ക്​ കേരള നാടൻ കലാ അക്കാദമിയുടെ ആദരവ്​ ലഭിച്ചിട്ടുണ്ട്. സംസ്കാരം ചൊവ്വാഴ്ച ഉച്ചക്ക്​ 12ന് തോട്ടയ്ക്കാട്ടുകര ശ്മശാനത്തിൽ.

മക്കൾ: പരേതനായ ഡോ. കെ.കെ. വിജയൻ, കെ.കെ. ബാബു (ബാങ്ക് ഓഫ് ഇന്ത്യ ട്രെയിനിങ്​ കോളജ്, ചെന്നൈ), കെ.കെ. ഉഷാകുമാരി (പ്രധാനാധ്യാപിക, ഗവ. സ്കൂൾ കീഴ്മാട്), ബേബി കരുവേലിൽ (റിപ്പോർട്ടർ, മാധ്യമം ദിനപത്രം - നെടുമ്പാശേരി) പരേതനായ കെ.കെ. സുബാഷ് ചന്ദ്രബോസ്.

മരുമക്കൾ: അംബിക, എസ്. ശ്രീദേവി (പത്രാധിപ - പൗരൻ പബ്ലിക്കേഷൻസ്), വിജയകുമാർ (എൻ.എ.ഡി, ആലുവ), ടി.കെ. ഗിരിജ (എം.ഡി - പൗരൻ പബ്ലിക്കേഷൻസ്).