അവൾക്കൊപ്പം നിന്ന വർഷം

ശബരിമലയും സ്​ത്രീ പ്രവേശനവും
സെപ്​റ്റംബർ 28ലെ സുപ്രീംകോടതിയുടെ ഏതു പ്രായക്കാരായ സ്​ത്രീകൾക്കും ശബരിമല സന്ദർശിക്കാമെന്ന വിധിയെ തുടർന്ന്​ നാടകീയ സംഭവങ്ങൾക്കാണ്​ കേരളം സാക്ഷ്യം വഹിച്ചത്​. കോടതിവിധി അറിഞ്ഞെത്തിയ നിരവധി സ്ത്രീകൾ ആക്രമിക്കപ്പെടുന്ന സ്​ഥിതിയുണ്ടായി.

നിപയിലെ മാലാഖ
കേരളത്തെ വേട്ടയാടിയ നിപ ദുരന്തത്തി​​​​​​​​​​​െൻറ രക്തസാക്ഷിയായിരുന്നു പേരാ​മ്പ്ര താലൂക്ക്​ ആശുപത്രിയിലെ ദിവസവേതനക്കാരി നഴ്​സ്​ ലിനി. നിപ വൈറസ്​ ബാധിച്ചവരെയും ശ്രുശ്രൂഷിച്ചവരെയും ചികിത്സിച്ചതിലൂടെ ജീവൻ ത്യജിക്കേണ്ടിവന്നു. ‘സജീഷേട്ടാ ​െഎ ആം ഒാൾമോസ്​റ്റ്​ ഒാൺ ദ വേ’ എന്നു തുടങ്ങുന്ന ഭർത്താവ്​ സജീഷിനെ​ഴുതിയ കത്ത്​ ലോകത്തെ മുഴുവൻ കരയിപ്പിച്ചു. ലോകാരോഗ്യ സംഘടനയുടെ ഹെൽത്ത്​ വർക്ക്​ഫോഴ്​സ്​ ഡയറക്​ടർ ജിം കാപെലി​​​​​​​​​​​െൻറ ട്വിറ്റർ പേജിൽ ആദരാഞ്​ജലി അർപ്പിച്ചു. നിപ കാലത്ത്​ സജീവമായ പ്രതി​രോധ പ്രവർത്തനങ്ങളിൽ മുന്നിട്ടിറങ്ങി നയിച്ച ആരോഗ്യമന്ത്രി കെ.കെ. ശൈലജ പോയ വർഷത്തെ ശ്രദ്ധേയ വ്യക്തിത്വമായിരുന്നു. കൃത്യവും ആസൂത്രിതവുമായ രോഗനിയന്ത്രണ നിർദേശങ്ങളും നടപടികളും ഏവരുടെയും പ്രശംസ പിടിച്ചുപറ്റി.

നീതി കിട്ടിയ ഹാദിയ
മതപരിവർത്തനത്തെയും ലവ്​ ജിഹാദിനെയും കുറിച്ച കുപ്രചാരണങ്ങൾക്ക്​ കോടതി തീർപ്പു കൽപിച്ച കേസായിരുന്നു ഹാദിയ കേസ്​. അഖില എന്ന മെഡിക്കൽ ബിരുദ വിദ്യാർഥിനി സ്വന്തം ഇഷ്​ടപ്രകാരം മതം മാറി ഹാദിയയായതും ഷെഫിൻ ജഹാനെ വിവാഹം ചെയ്​തതും വലിയ ചർച്ചകൾക്കും നീണ്ട കോടതി വ്യവഹാരങ്ങൾക്കും വഴിയൊരുക്കി. വീട്ടുതടങ്കൽ അടക്കം നിരവധി പീഡനങ്ങൾ നേരിടേണ്ടിവന്ന ഹാദിയക്ക്​ ഒടുവിൽ സുപ്രീംകോടതിയിലൂടെ നീതി ലഭിച്ചു.

ഇടിക്കൂട്ടിലെ പൊൻതാരകം
ന്യൂഡൽഹിയിൽ നടന്ന ​േലാക ബോക്​സിങ്​ ചാമ്പ്യൻഷിപ്പിൽ വനിതകളുടെ 48 കിലോഗ്രാം വിഭാഗത്തിൽ മണിപ്പൂരുകാരി മേരി കോം ആറാമത്​ ലോക ചാമ്പ്യൻഷിപ്പ് കൂടി സ്വന്തമാക്കി. വനിതകളിൽ ഏറ്റവും കൂടുതൽ സ്വർണം നേടുന്ന ഇൗ 35കാരി പുരുഷ വിഭാഗത്തിലെ ഇതിഹാസതാരം ക്യൂബയുടെ ഫെലിക്​സ്​ സാവോണി​​​​​​​​​​​െൻറ നേട്ടത്തിനൊപ്പം എത്തുകയും ചെയ്​തു.

ഇരിപ്പിടം അവകാശമായി
സ്​ത്രീ തൊഴിലാളികളുടെ അന്തസ്സും സുരക്ഷിതത്വവും ഉറപ്പുവരുത്തിയും ജോലിക്കിടയിൽ ഇരിക്കാൻ അവകാശം നൽകിയും കേരള ഷോപ്​സ്​​ ആൻഡ്​ കമേഴ്​സ്യൽ എസ്​റ്റാബ്ലിഷ്​മ​​​​​​​​െൻറ്​ ആക്​ടിലെ ഭേദഗതികൾ നിലവിൽവന്നു. ഇതു സംബന്ധിച്ച്​ ഗവർണർ ഒാർഡിനൻസ്​ പുറപ്പെടുവിച്ചു. നിയമം ലംഘിക്കുന്ന തൊഴിലുടമകൾക്ക്​ പിഴ ഒാരോ വകുപ്പിനും 5000 രൂപയിൽ നിന്നും ഒരു ലക്ഷം രൂപയാക്കി ഉയർത്തുകയും ചെയ്​തു. നിയമത്തി​​​​​​​​​​​െൻറ പരിധിയിൽ വരുന്ന മൂന്നര ലക്ഷം സ്​ഥാപനങ്ങളിൽ ജോലിചെയ്യുന്ന 35 ലക്ഷം തൊഴിലാളികൾക്ക്​ നിയമത്തി​​​​​​​​​​​െൻറ പരിരക്ഷ ലഭിക്കും.

കരുത്തുറ്റ വനിത
ലോകത്തെ സ്വാധീനിക്കുകയും മുന്നോട്ട് നയിക്കാൻ പ്രേരിപ്പിക്കുകയും ചെയ്​ത 100 സ്​ത്രീകളുടെ പട്ടികയിൽ കോഴിക്കോട്​ സ്വദേശിയായി വിജി പെൺകൂട്ട്​ ഇടം നേടി. അസംഘടിത മേഖലയിലെ വിജിയുടെ പ്രവർത്തനമാണ്​ അന്താരാഷ്​ട്ര അംഗീകാരം നേടിക്കൊടുത്തത്​. ഇന്ത്യയിൽ നിന്ന്​ മൂ​ന്നുപേർ മാത്രമാണ്​ ബി.ബി.സിയുടെ പട്ടികയിലെത്തിയത്.

വിമൻ ഇൻ സിനിമ കലക്​ടിവ്​
2017ൽ രൂപവത്​കരിച്ച സിനിമ മേഖലയിലെ സ്​ത്രീകളുടെ സംഘടനയായ വിമൻ ഇൻ സിനിമ കലക്​ടിവ്​ 2018ലും വാർത്തകളിൽ ഇടംപിടിച്ചു. നടി ആക്രമിക്കപ്പെട്ട കേസിൽ അറസ്​റ്റിലായതിനെ തുടർന്ന്​ ‘അമ്മ’യിൽ നിന്ന്​ പുറത്താക്കിയ ദിലീപിനെ തിരിച്ചെടുത്തതിൽ പ്രതിഷേധിച്ച്​ സംഘടനയിൽ നിന്ന്​ നാലു നടിമാർ രാജിവെച്ചതായിരുന്നു വിവാദങ്ങൾക്ക്​ തുടക്കം. ഭാവന, ഗീതു മോഹൻദാസ്​, രമ്യ നമ്പീശൻ, റീമ കല്ലിങ്കൽ എന്നിവരാണ്​ രാജിവെച്ചത്​.

കൃത്യമായ നിലപാടുകൾ സ്വീകരിച്ച്​ വെള്ളിത്തിരയിൽ സ്​ത്രീശബ്​ദമായി ഉയർന്നു പാർവതി എന്ന അഭിനേത്രി. വിമൻ ഇൻ സിനിമ കലക്​ടിവി​​​​​​​​​​​െൻറ പ്രവർത്തനങ്ങളിൽ മുൻപന്തിയിൽ നിന്ന അവർ സിനിമയിലെ സ്​​ത്രീ മുന്നേറ്റങ്ങൾക്ക്​ ചുക്കാൻ പിടിച്ചു. അഭിനയത്തിൽ ത​േൻറതായ വ്യക്തിമുദ്ര പതിപ്പിച്ച അവരെ 2018ലും ദേശീയ, സംസ്​ഥാന അവാർഡുകൾ തേടിയെത്തി. ടേക്​ ഒാഫിലെ അഭിനയത്തിന്​ മികച്ച നടിക്കുള്ള സംസ്​ഥാന അവാർഡും ഇതേ ചി​ത്രത്തിനു തന്നെ ദേശീയ ചലച്ചിത്ര അവാർഡിൽ മികച്ച നടിക്കുള്ള പ്രത്യേക ജൂറി പരാമർശവും പാർവതി നേടി. ​

കന്യാസ്​ത്രീകളുടെ പോരാട്ടം
ജലന്ധർ ബിഷപ്​ ഫ്രാ​േങ്കാ മുളയ്​ക്കലിനെതിരായ ലൈംഗിക പീഡനപരാതിയിൽ ഭരണകൂടം നടപടി സ്വീകരിക്കാത്തതിനെതിരെ കന്യാസ്​ത്രീകൾ തെരുവിലിറങ്ങി. കൊച്ചി വഞ്ചി സ്​ക്വയറിൽ നടന്ന അനിശ്ചിതകാല നിരാഹാര സമരത്തിന്​ പൊതുസമൂഹവും പിന്തുണയുമായെത്തി. ഒടുവിൽ പീഡനപരാതിയിൽ ബിഷപ്​ഫ്രാ​േങ്കാ മുളയ്​ക്കലിനെ അറസ്​റ്റ്​ ചെയ്​തു.

സമാധാനം ഇൗ കൈകളിൽ
2018ലെ സമാധാനത്തിനുള്ള നൊ​േബൽ സമ്മാനം പങ്കി​െട്ടടുത്തവരിൽ ഒരാളായി നാദിയ മുറാദ്​. ഇസ്​ലാമിക്​ സ്​റ്റേറ്റ്​ ഭീകരരുടെ ക്രൂരപീഡനങ്ങൾക്കിരയായി അവരുടെ തടങ്കലിൽ നിന്ന്​ രക്ഷപ്പെട്ട നാദിയ മുറാദ്​ അതിജീവനത്തി​​​​​​​​​​​െൻറ പര്യായമായി. യു.എൻ വേദികളിലൂടെ ​െഎ.എസ്​ ഭീകരരിൽ നിന്ന്​ യസീദികൾ അനുഭവിക്കുന്ന യാതനകളിലേക്ക്​ ലോകത്തി​​​​​​​​​​​െൻറ ശ്രദ്ധയാകർഷിച്ചു. 2016 ഡിസംബറിൽ നാദിയ യു.എന്നിൽ ഉന്നയിച്ച ചോദ്യങ്ങൾ ലോകം മുഴുവൻ ശ്രദ്ധ നേടിയിരുന്നു.

ഭൗതികശാസ്​ത്രത്തിനുള്ള നൊബേൽ
കണ്ണുകളുടെ നവീന ലേസർ ശസ്​ത്രക്രിയക്ക്​ വഴിതുറന്ന കണ്ടുപിടിത്തത്തിന്​ 2018ലെ ഭൗതികശാസ്​ത്രത്തിനുള്ള നൊബേൽ സമ്മാനം ​​നേടി ഡോണ സ്​ട്രിക്​ലാൻഡ്​. ഭൗതികശാസ്​ത്ര ​നൊബേൽ നേടുന്ന മൂന്നാമത്തെ വനിതയാണ്​ ഡോണ. 55 വർഷത്തിനു ശേഷമാണ്​ വീണ്ടുമൊരു വനിത ഭൗതികശാസ്​ത്ര ​നൊബേലിന്​ അർഹയാകുന്നത്​.

ആഴക്കടൽ മത്സ്യബന്ധനവുമായി രേഖ
ഇന്ത്യയിൽ ആഴക്കടൽ മത്സ്യബന്ധനത്തിന്​ ലൈസൻസ്​ നേടിയ ഒരേയൊരു സ്​ത്രീ എന്ന ഖ്യാതി തൃശൂർ ​േചറ്റുവ സ്വദേശിനി രേഖ സ്വന്തമാക്കി. പരമ്പരാഗത വിശ്വാസങ്ങളെയും കാഴ്​ചപ്പാടുക​െളയും രേഖ തിരുത്തിയെഴുതി.

ഇന്ദു മൽഹോത്ര
സുപ്രീംകോടതി ജഡ്​ജിയായി നേരിട്ട്​ നിയമിക്കപ്പെടുന്ന ആദ്യ വനിത അഭിഭാഷകയായി ഇന്ദു മൽഹോത്ര. സ്വാതന്ത്രത്തിനു ശേഷം സുപ്രീംകോടതി ജഡ്​ജിയാകുന്ന ഏഴാമത്തെ വനിതയാണ്​. 2007ലായിരുന്ന ഇന്ദു മൽഹോത്രക്ക്​ സീനിയർ പദവി ലഭിച്ചത്​.

ലക്ഷ്​മിക്കുട്ടിയമ്മ
വിഷ ചികിത്സ രംഗത്തെ തലയെടുപ്പുള്ള സ്​ത്രീ സാന്നിധ്യമായ ലക്ഷ്​മിക്കുട്ടിയമ്മയെ 74ാം വയസ്സിൽ പത്മശ്രീ പുരസ്​കാരം തേടിയെത്തി.

എന്നും താരമായി അനുപമ
ആലപ്പുഴ കലക്​ടറായിരിക്കേ മുൻ മന്ത്രി തോമസ്​ ചാണ്ടിയുടെ റിസോർട്ട്​ കൈയേറ്റവുമായി ബന്ധപ്പെട്ടാണ്​ അനുപമ താരമായത്​. മുഖം നോക്കാതെ എടുത്ത നടപടികൾ ഏ​െറ ശ്രദ്ധിക്കപ്പെട്ടു. പ്രളയ ദുരിതാശ്വാസ പ്രവർത്തനങ്ങളി​െല ഏകോപനത്തിനും അനുപമ ചുക്കാൻ പിടിച്ചു.

ഇന്ത്യൻ വനിത ക്രിക്കറ്റ്​ ടീം ക്യാപ്​റ്റൻ മിതാലി രാജ്​. മുൻഗാമികളിൽ നിന്ന്​ വ്യത്യസ്​തമായി കഴിഞ്ഞവർഷം രാജ്യം ആഘോഷിച്ച ക്രിക്കറ്റർ. ഇന്ത്യൻ വ്യോമസേനയിൽ യുദ്ധവിമാനം ഒറ്റക്ക്​ പറത്തുന്ന ആദ്യ ​വനിത പൈലറ്റായി അവനി ചതുർവേദി.

റിപ്പോർ​േട്ടഴ്​സ്​ വിത്തൗട്ട്​ ​േബാർഡേഴ്​സി​​​​​​​​​​​െൻറ ലണ്ടൻ പ്രസ്​ ഫ്രീഡം അവാർഡ്​ ഫോർ കറേജ്​ പുരസ്​കാരത്തിന്​ ഇന്ത്യൻ പത്രപ്രവർത്തക സ്വാതി ചതുർവേദി അർഹയായി. ​‘െഎ ആം എ ട്രോൾ: ഇൻസൈഡ്​ ദി സീക്രട്ട്​ വേൾഡ്​ ഒാഫ്​ ദി ബി.ജെ.പീസ്​ ഡിജിറ്റൽ ആർമി’ എന്ന പുസ്​തകത്തി​​​​​​​​​​​െൻറ രചയിതാവാണ്​ ഇവർ.

മത്സ്യക്കച്ചവടം ചെയ്​ത്​ പഠനവും ജീവിതവും മുന്നോട്ടു​ കൊണ്ടു പോകുന്ന ഹനാൻ എന്ന പെൺകുട്ടിയെ മലയാളി നെഞ്ചോടു ചേർത്തു.