Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightശശികലക്ക്​ ജാമ്യം;...

ശശികലക്ക്​ ജാമ്യം; ഞായറാഴ്​ച വീണ്ടും മലകയറുമെന്ന്

text_fields
bookmark_border
ശശികലക്ക്​ ജാമ്യം; ഞായറാഴ്​ച വീണ്ടും മലകയറുമെന്ന്
cancel

ശബരിമല: ശബരിമലയിലെ സംഘർഷ സാധ്യത കണക്കിലെടുത്ത് ശനിയാഴ്​ച പുലർച്ചെ ഒന്നരക്ക്​ മരക്കൂട്ടത്ത്​ പൊലീസ്​ അറസ്റ്റ്​​ ചെയ്​ത ഹിന്ദു ​​െഎക്യവേദി സംസ്ഥാന അധ്യക്ഷ കെ.പി ശശികലക്ക്​ ജാമ്യം അനുവദിച്ചു.

ശശികലക്ക്​ തിരുവല്ല ആർ.ഡി.ഒയാണ്​ ഉപാധികളോടെ ജാമ്യം അനുവദിച്ചത്​. ദർശനത്തിനുശേഷം അപ്പോൾ തന്നെ മടങ്ങുക, പ്രതിഷേധ സമരങ്ങളിൽ പ​െങ്കടുക്കാതിരിക്കുക, 25,000 രൂപയുടെ രണ്ട്​ ആൾ ജാമ്യം, ഡിസംബർ മൂന്നിന്​ വീണ്ടും ജുഡീഷ്യൽ മജിസ്​ട്രേറ്റിനു മുന്നിൽ ഹാജരാകണം എന്നിവയാണ്​ വ്യവസ്ഥകൾ.

വെള്ളിയാഴ്​ച രാത്രി മരക്കൂട്ടത്ത്​ തടഞ്ഞു​െവച്ച ഇവരെ ശനിയാഴ്​ച പുലർച്ച ര​േണ്ടാടെയാണ് അറസ്​റ്റ്​ ചെയ്തത്. അപ്പോൾ മുതൽ നിരാഹാരത്തിലായിരുന്നു. ജാമ്യം കിട്ടിയ ശേഷം പൊലീസ്​ വാഹനത്തിൽ പമ്പയിലെത്തിക്കാമെന്ന്​ അറിയിച്ചെങ്കിലും ആരോഗ്യസ്​ഥിതി മോശമായതിനാൽ പോകുന്നില്ലെന്നും ഞായറാഴ്​ച മലകയറുമെന്നും​ അവർ അറിയിച്ചു.

ഇരുമുടിക്കെട്ടുമായി വന്ന തന്നെ അറസ്​റ്റ്​ ചെയ്​ത്​ കോടതിയിൽ ഹാജരാക്കിയ പൊലീസ്​ നടപടിയെ നിയമപരമായി നേരിടും. അറസ്​റ്റ്​ ഒഴികെ പൊലീസി​​​​െൻറ ഭാഗത്തുനിന്ന്​ അപമര്യാദയായ പെരുമാറ്റം ഒന്നും ഉണ്ടായിട്ടില്ല. ഭക്തരോടുള്ള സർക്കാറി​​​​െൻറ യ​ുദ്ധപ്രഖ്യാപനമായാണ്​ അറസ്​റ്റിനെ കാണുന്നതെന്നും അവർ പറഞ്ഞു. പുലർച്ച റാന്നി പൊലീസ്​ സ്​റ്റേഷനിൽ ശശികലയെ എത്തിച്ചതറിഞ്ഞ്​ ബി.ജെ.പി, സംഘ്​പരിവാർ പ്രവർത്തകർ സ്​റ്റേഷനു മുന്നിൽ ഉപരോധ സമരം നടത്തിയിരുന്നു. വൈകീട്ട്​ മൂന്നോടെയാണ്​ ആർ.ഡി.ഒയുടെ മുന്നിൽ ഹാജരാക്കിയത്​.

കരുതൽ തടങ്കൽ എന്ന നിലക്കായിരുന്നു അറസ്റ്റ് ചെയ്തത്. ഇവരുടെ അറസ്റ്റിൽ പ്രതിഷേധിച്ച്​ ഹിന്ദു സംഘടനകൾ സംസ്ഥാനത്ത്​ ആഹ്വാനം ചെയ്​ത ഹർത്താൽ തുടരുകയാണ്​. നേരത്തെ ശശികലയെ അറസ്റ്റ്​ ചെയ്​തതിനെതിരേ​ റാന്നി പൊലീസ്​ സ്​റ്റേഷന്​ മുന്നിൽ സംഘ്​പരിവാർ പ്രവർത്തകർ പ്രതിഷേധം സംഘടിപ്പിച്ചിരുന്നു.

Show Full Article
TAGS:Sasikala arrested Kerala Hartal sabarimala women entry sabarimala strike kerala news malayalam news in kerala 
Next Story