സർക്കാറിനെതിരെ പ്രതിഷേധം; ഇസ്രായേലിൽ 12 പേർ അറസ്​റ്റിൽ

തെൽഅവീവ്​: കോവിഡ്​ പ്രതിരോധിക്കുന്നതിൽ സർക്കാർ പരാജയപ്പെ​ട്ടെന്ന്​ ആരോപിച്ച്​ ഇസ്രായേലിൽ നടന്ന പ്രതിഷേധ മാർച്ചിൽ പ​ങ്കെടുത്ത 12 പേർ അറസ്​റ്റിൽ. പ്രധാനമന്ത്രി ബെഞ്ചമിൻ നെതന്യാഹുവി​​െൻറ വസതിക്കു മുന്നിലാണ്​ പ്രതിഷേധം നടന്നത്​.

പ്രതിരോധപ്രവർത്തനങ്ങളിൽ പൂർണമായി സർക്കാർ പരാജയപ്പെ​െട്ടന്നും അഴിമതിയിൽ മുങ്ങിയിരിക്കുകയാണെന്നും ആരോപിച്ച്​ രാജ്യത്തുടനീളം ശക്​തമായ പ്രതിഷേധ പ്രകടനങ്ങൾ നടന്നുവരികയാണ്​. 

അഴിമതി കേസുകളിൽ വിചാരണ​ േനരിടുന്ന നെതന്യാഹുവി​​​െൻറ ജനപ്രീതി അടുത്ത കാലത്ത്​ ഇടിഞ്ഞിരുന്നു. സമ്പന്നരായ സുഹൃത്തുക്കളിൽ നിന്ന്​ പണംപറ്റി വഴിവിട്ട സഹായങ്ങൾ ചെയ്​തെന്ന ആരോപണത്തെതുടർന്നാണ്​ അ​ന്വേഷണം നടക്കുന്നത്​. ഇതിനൊപ്പമാണ്​ ഇസ്രായേലിൽ കോവിഡ്​ രോഗികളുടെ വർധനവുണ്ടായത്​.

കൊറോണക്കാലത്ത്​ ചില സാമ്പത്തിക പാക്കേജുകൾ രാജ്യത്ത്​ പ്രഖ്യാപിച്ചിരുന്നെങ്കിലും ഫലപ്രദമായിരുന്നില്ല. ലോക്​ഡൗണിലുണ്ടായ പ്രതിസന്ധി മറികടക്കാൻ സർക്കാർ പ്രഖ്യാപിച്ച സാമ്പത്തിക ഉത്തേജന പദ്ധതികൾ താഴെതട്ടിലേക്കെത്തുന്നില്ലെന്നും​ പ്രതിഷേധക്കാർ പറയുന്നു.
 
സർക്കാർ ലോക്​ഡൗൺ കാലയളവിൽ പ്രഖ്യാപിച്ച സഹായ സ്​കീമുകളൊന്നും ഗുണഭോക്​താക്കളിലേക്ക്​ പൂർണമായി എത്തിയിട്ടില്ലെന്ന്​ പ്രക്ഷോഭകർ പറയുന്നു. തൊഴിലാളികളും ചെറുകിട സംരംഭകരും, കലാകാരന്മാരുമായിരുന്നു പ്രക്ഷോഭത്തിന്​ നേതൃത്വം നൽകിയതിൽ അധികവും. ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു പ്രക്ഷോഭകരുമായി സംസാരിച്ചെങ്കിലും ഫലമുണ്ടായില്ല. 

കോവിഡ്​ ഭീതി നിലനിൽക്കെ സർക്കാറിനെ വെല്ലുവിളിച്ച്​ നടത്തിയ പ്രക്ഷോഭം അധികാരികളെ പ്രതിസന്ധിയിലാക്കിയിട്ടുണ്ട്​. ‘ആരോഗ്യ ഭീകരവാദ പ്രവർത്തനം’ എന്നാണ്​ ആരോഗ്യമന്ത്രാലയം പ്രതിഷേധ സംഗമത്തെ വിശേഷിപ്പിക്കുന്നത്​. 

കോവിഡ്​ കാരണം എട്ടു ലക്ഷത്തോളം ആളുകൾക്ക്​ രാജ്യത്ത്​ ജോലി നഷ്​ടമായതായാണ്​ കണക്ക്​. ചെറുകിട സംരംഭകരെയും കൂലിത്തൊഴിലാളികളെയുമാണ്​ ലോക്​ഡൗണും പിന്നാലെയുള്ള കോവിഡ്​ നിയന്ത്രണങ്ങളും കാര്യമായി ബാധിച്ചത്​. 61,388 കോവിഡ്​ കേസുകൾ റിപ്പോർട്ട്​ ചെയ്യപ്പെട്ട രാജ്യത്ത്​ 464 പേർ മരിച്ചു.