മലയാളത്തിൽ സാന്ത്വന വാക്കുകളുമായി മറിയം അൽ ഖബന്ധി

കുവൈത്ത്​ സിറ്റി: തെളിമലയാളം പറയുന്ന കുവൈത്തി യുവതി എന്ന നിലയിലായിരുന്നു മറിയം അൽ ഖബന്ധി മലയാളി സമൂഹത്തിനിട യിൽ നേരത്തെ ശ്രദ്ധനേടിയിരുന്നത്​. ഇപ്പോൾ കൊറോണ വൈറസുമായി ബന്ധപ്പെട്ട്​ ഇവർ പോസ്​റ്റ്​ ചെയ്​ത ബോധവത്​കര ണ വീഡിയ വൈറലായിരിക്കുകയാണ്​.

കൃത്യവും ആധികാരികമായ വിവരങ്ങളും ആശങ്കയകറ്റുന്ന സാന്ത്വന വാക്കുകളുമാണ്​ ഇവര ുടെ വിഡിയോ മലയാളി സമൂഹം ഏറ്റെടുക്കാൻ കാരണം. കോഴിക്കോട്ടുകാരിയായ ഉമ്മയിൽനിന്നാണ്​ കുവൈത്ത്​ ടി.വിയിൽ കാലാവസ്ഥാ വാർത്താ അവതാരകയായ മറിയം അൽ ഖബന്ധി മലയാളം പഠിച്ചത്.

1982ലാണ്​ അബ്​ദുല്ല മുഹമ്മദ്​ അൽ ഖബന്ധി കോഴിക്കോട്​ സ്വദേശിനി അയിഷാബിയെ വിവാഹം ചെയ്​തത്​. കോവിഡുമായി ബന്ധപ്പെട്ട വിഡിയോയിൽ മറിയം അൽ ഖബന്ധി പറയുന്നതി​ങ്ങനെ: ‘‘കുവൈത്തിൽ കോവിഡ്​ 19 കണ്ടെത്തിവരെല്ലാം വിദേശത്തുനിന്ന്​ വന്നവരോ അവരോട്​ ബന്ധപ്പെട്ടവരോ ആണ്​. ​

വൈറസി​​​െൻറ ഉറവിടം രാജ്യത്തിനകത്തല്ല എന്നതാണ്​ ഇതിൽനിന്ന്​ തെളിയുന്നത്​. ​പൊതുജനത്തിനിടയിൽ വൈറസ്​ പരന്നിട്ടില്ല. വിദേശത്തുനിന്ന്​ വന്നവരെയും അവരോട്​ ബന്ധപ്പെട്ടവരെയും നിരീക്ഷിച്ചാൽ മതിയെന്നത്​ കാര്യങ്ങൾ എളുപ്പമാക്കുന്നു. രണ്ടാഴ്​ച വീട്ടിലിക്കാൻ പറഞ്ഞത്​ വൈറസ്​ പടരാതിരിക്കാനാണ്​.

സർക്കാർ നിർദേശങ്ങൾ ആളുകൾ അനുസരിക്കുകയാണെങ്കിൽ ഏതാനും ദിവസം കൊണ്ട്​ കാര്യങ്ങൾ വരുതിയിൽ വരും. പുതുതായി എത്താതിരിക്കാൻ വിമാനത്താവളം അടച്ചിടുന്നത്​ പോലെയുള്ള നടപടിക്രമങ്ങൾ സ്വീകരിച്ചിട്ടുണ്ട്​. ഭക്ഷണസാധനങ്ങൾക്ക്​ ക്ഷാമം വരുമോ എന്ന രീതിയിലുള്ള പേടിയുടെയൊന്നും ആവശ്യമില്ല.

ആറു മാസത്തേക്കുള്ള ഭക്ഷണ സാധനങ്ങൾ രാജ്യം കരുതിയിട്ടുണ്ട്​. ഇറാഖ്​ സൈന്യം കുവൈത്തിലേക്ക്​ ഇറച്ചുകയറിയ യുദ്ധസമയത്തുപേലും ഏഴുമാസക്കാലം നമുക്ക്​ ഭക്ഷണത്തിന്​ ബുദ്ധിമുട്ടുണ്ടായിട്ടില്ല. പിന്നെയാണോ ഇപ്പോൾ’’. ഇവരുടെ ചോദ്യത്തിന്​ മുന്നിൽ കാഴ്​ചക്കാരന്​ ആശ്വാസത്തി​​​െൻറ നെടുവീർപ്പ്​.