ദൈനംദിന ജീവിതത്തെ കുറിച്ച്​ ആശങ്ക വേണ്ട -മന്ത്രി

കുവൈത്ത്​ സിറ്റി: കോവിഡ്​ 19മായി ബന്ധപ്പെട്ട്​ ജനങ്ങളെ ഭീതിയിലാക്കുന്ന രീതിയിൽ വ്യാജ വാർത്ത പ്രചരിപ്പിക്കു ന്ന വ്യക്​തികൾക്കും സ്ഥാപനങ്ങൾക്കുമെതിരെ ശക്​തമായ നടപടി സ്വീകരിക്കുമെന്ന്​ വാർത്താവിനിമയ മന്ത്രി മുഹമ്മദ് ​ അൽ ജബ്​രി പറഞ്ഞു.

ആധികാരിക ഉറവിടങ്ങളിൽനിന്ന്​ മാത്രമേ വാർത്ത സ്വീകരിക്കാവൂ. ഭക്ഷ്യ സുരക്ഷയെ കുറിച്ചോ ദൈനംദിന ജീവിതത്തെ കുറിച്ചോ ആശങ്കപ്പെടേണ്ട സാഹചര്യം ഇപ്പോഴില്ല. വൈറസ്​ പടരാതിരിക്കാനുള്ള മുൻകരുതൽ എന്ന നിലക്കാണ്​ ചില നടപടികൾ സ്വീകരിച്ചിട്ടുള്ളത്​. വൈറസ്​ നിയന്ത്രണാതീതമായി അപകടാവസ്ഥയുണ്ടെന്ന്​ ഇതിനർഥമില്ല. ​വിവിധ ഭാഷകളിൽ ബോധവത്​കരണ സന്ദേശങ്ങൾ പ്രചരിപ്പിക്കുന്നതിന്​ ടെലി കമ്യൂണിക്കേഷൻ കമ്പനികൾക്ക്​ മന്ത്രി അറിയിച്ചു.