ക്രിസ്​റ്റ്യാനോ വീട്ടിൽ നിരീക്ഷണത്തിൽ; ഇറ്റലിയിലേക്ക്​ ഉടൻ മടങ്ങില്ല

സൂപ്പർ താരം ക്രിസ്​റ്റ്യാനോ റൊണാൾ​േഡായും കോവിഡ്​19 ഭീതിയിൽ. യുവൻറസിൽ ത​​​​​െൻറ സഹതാരം ഡാനിയേല റൂഗാനിക്ക് ​ കോവിഡ്​ 19 സ്​ഥിരീകരിച്ചതോടെ​ ക്രിസ്​റ്റ്യാനോ പോർചുഗലിലെ മദീറയിലുള്ള വീട്ടിൽ നിരീക്ഷണത്തിലാണിപ്പോൾ​ ​. കോവിഡ്​ 19​​​​​െൻറ ‘കെണി’ പൊട്ടിച്ചുചാടാൻ താരം കുറച്ചുദിവസം വീട്ടിൽ നിരീക്ഷണത്തിൽ തുടരുമെന്നാണ്​ റിപ്പേ ാർട്ടുകൾ. മസ്​തിഷ്​കാഘാതം കാരണം ആശുപത്രിയിൽ പ്രവേശിപ്പിച്ച അമ്മയെ കാണാനാണ്​ ക്രിസ്​റ്റ്യാനോ പോർചുഗലിലെത്തിയത്​.

മാർച്ച്​ എട്ടിന്​ ഇൻറർമിലാനുമായാണ്​​ സൂപ്പർതാരം യുവൻറസിനായി അവസാനമായി കളിച്ചത്​. റുഗാനി അന്ന്​ കളിക്കാൻ ഇറങ്ങിയിട്ടില്ലെങ്കിലും മത്സരശേഷം ഇരുവരും മറ്റു താരങ്ങൾക്കൊപ്പം ഡ്രസിങ്​ റൂമിൽ നിൽക്കുന്ന ചിത്രം പുറത്തുവന്നിട്ടുണ്ട്​. അമ്മയുടെ അടുത്തായിരുന്ന ക്രിസ്​റ്റ്യാനോ മത്സരശേഷം വീണ്ടും പോർചുഗലിലേക്ക്​ പറക്കുകയായിരുന്നു.

മാർച്ച്​ 18ന്​ ഫ്രഞ്ച്​ ടീമായ ഒളിമ്പിക്​ ലിയോണുമായിട്ടാണ്​ യുവൻറസി​​​​​െൻറ അടുത്ത മത്സരം. എന്നാൽ, ഇറ്റലിയിൽ കോവിഡ്​ ഭീതി കാരണം ടൂർണമ​​​​െൻറുകളെല്ലാം നിർത്തിവെച്ചിരിക്കുകയാണ്​. ചാമ്പ്യൻസ്​ ലീഗ്​ അടച്ചിട്ട സ്​റ്റേഡിയത്തിൽ നടത്താൻ തീരുമാനിച്ചിരുന്നെങ്കിലും പുതിയ സംഭവവികാസങ്ങളുടെ അടിസ്​ഥാനത്തിൽ മത്സരം ഉപേക്ഷിക്കാനാണ്​ സാധ്യത.

സഹതാരത്തിന്​ രോഗം സ്​ഥിരീകരിച്ചതോടെ ക്രിസ്​റ്റ്യാനോ തൽക്കാലം ഇറ്റലിയിലേക്ക്​ മടങ്ങില്ല എന്നും റിപ്പോർട്ടുണ്ട്​. യുവൻറസിലെ മറ്റ്​ താരങ്ങളും ഇൻറർ മിലാൻ താരങ്ങളും നിരീക്ഷണത്തിലാണ്​. അതേസമയം, ത​​​​​െൻറ ആരോഗ്യകാര്യത്തിൽ ആശങ്കപ്പെടേണ്ടതില്ലെന്ന് ആരാധകരോട് റൂഗാനി പറഞ്ഞു. റൂഗാനിയുടെ ആരോഗ്യനില തൃപ്​തകരമാണെന്നും നിലവിൽ ആശങ്കപ്പെടാനൊന്നുമില്ലെന്നും​ ക്ലബ് അധികൃതരും അറിയിച്ചു.