പുനഃപരിശോധന ഹരജി തള്ളി; ഫഡ്​നാവിസ്​ വിചാരണ നേരിടണം

ന്യൂഡൽഹി: മഹാരാഷ്​ട്ര മുൻ മുഖ്യമന്ത്രി ദേവേന്ദ്ര ഫഡ്​നാവിസിന്​ കനത്ത തിരിച്ചടി നൽകി സുപ്രീംകോടതി വിധി. തെരഞ്ഞെടുപ്പ്​ സത്യവാങ്​മൂലത്തിൽ വിവരങ്ങൾ മറച്ചുവെച്ച കുറ്റത്തിന്​ ഫഡ്​നാവിസ്​ വിചാരണ നേരിടണമെന്ന്​ കോടതി ഉത്തരവിട്ടു. കേസിൽ ഇടപെടാൻ കഴിയില്ലെന്ന സുപ്രീംകോടതിയുടെ മുൻ ഉത്തരവിനെതിരെ ഫഡ്​നാവിസ്​ സമർപ്പിച്ച പുനഃപരിശോധന ഹരജി തള്ളിയാണ്​ കോടതി നടപടി​.

തെരഞ്ഞെടുപ്പ്​ സത്യവാങ്​മൂലത്തിൽ രണ്ട്​ ക്രിമിനൽ കേസുകൾ മറച്ചുവെച്ചുവെന്നതാണ്​ ഫഡ്​നാവിസിനെതിരായ കുറ്റം. ഈകേസി​​​െൻറ വിചാരണയിൽ നിന്ന്​ രക്ഷപ്പെടാനാണ്​ ഫഡ്​നാവിസ്​ ഹരജിയുമായി സുപ്രീംകോടതിയിലെത്തിയത്​. അരുൺ മിശ്ര, ദീപക്​ ഗുപ്​ത, അനിരുദ്ധ്​ ബോസ്​ എന്നിവരടങ്ങിയ ബെഞ്ചി​േൻറതാണ്​ ഉത്തരവ്​.

തെരഞ്ഞെടുപ്പ്​ സത്യവാങ്​മൂലവുമായി ബന്ധപ്പെട്ട കേസിൽ ഇടപെടാൻ കഴിയില്ലെന്ന്​ സുപ്രീംകോടതി 2019ൽ തന്നെ വ്യക്​തമാക്കിയിരുന്നു. 2014ൽ നൽകിയ തെരഞ്ഞെടുപ്പ്​ സത്യവാങ്​മൂലത്തിലാണ്​ ഫഡ്​നാവിസ്​ ക്രിമനൽ കേസ്​ മറച്ചുവെച്ചത്​.