വ​നി​ത ട്വ​ന്‍റി20​: ഇന്ത്യ സെമിയിൽ; തുടർച്ചയായ മൂന്നാം ഗ്രൂപ്പ്‌ മത്സരത്തിലും ജയം

മെ​ൽ​ബ​ൺ: വനിത ട്വന്‍റി20 ലോകകപ്പിൽ ഇന്ത്യ സെമി ഫൈനലിൽ. ന്യൂസിലൻഡിനെ 3 റൺസിന് തോൽപ്പിച്ചാണ് ഇന്ത്യയുടെ സെമി പ്രവേശം. ആ​സ്​​ട്രേ​ലി​യ​യെ​യും (17 റ​ൺ​സ്) ബം​ഗ്ലാ​ദേ​ശി​നെ​യും (18 റ​ൺ​സ്) അ​നാ​യാ​സം തോ​ൽ​പി​ച്ച ഇ​ന്ത്യയുടെ ഹാട്രിക് വിജയമാണിത്.

മൂന്ന്​ മ​ത്സ​ര​ങ്ങ​ളി​ൽ​നി​ന്നായി ആറ് പോ​യന്‍റു​മാ​യി അ​ഞ്ചു​ ടീ​മു​ക​ള​ട​ങ്ങു​ന്ന ഗ്രൂ​പ്​​ ‘എ’​യി​ൽ നി​ല​വി​ൽ ഒ​ന്നാ​മ​താ​ണ്​ ടീം ​ഇ​ന്ത്യ.

133 റൺസെടുത്ത ഇന്ത്യ സ്പിന്നർമാരുടെ ബലത്തിലാണ് വിജയം നേടിയത്. മു​ൻ​നി​ര ബാ​റ്റ്​​സ്​​വു​മ​ൺ​മാ​രി​ൽ കൗ​മാ​ര​ക്കാ​രി ശ​ഫാ​ലി വ​ർ​മ​ മി​ക​ച്ച ഫോ​ം ന്യൂസിലൻഡിനെതിരെയും പുറത്തെടുത്തു.