ചെത്തുന്നതിനിടെ പനയില് തളര്ന്നിരുന്ന തൊഴിലാളി മരിച്ചു
text_fieldsമീനങ്ങാടി: ചെത്തുന്നതിനിടെ പനയില് തളര്ന്നിരുന്ന തൊഴിലാളിയെ താഴെയിറക്കി ആശുപത്രിയിലേക്കു കൊണ്ടുപോകുന്നതിനിടെ മരിച്ചു. സി.സി കള്ളുഷാപ്പിലെ ചെത്തുതൊഴിലാളി നമ്പീശന് കവല കാനാട്ട് സാബു (56) ആണ് മരിച്ചത്. സി.സി സ്കൂള് റോഡില് സ്വകാര്യ കൃഷിയിടത്തിലെ 60 അടിയോളം ഉയരമുള്ള പന ചെത്തുന്നതിനിടെയാണ് സാബു തളര്ന്നുപോയത്. സഹായി പ്രകാശന് അന്വേഷിച്ചെത്തിയപ്പോഴാണ് പനയില് സാബുവിനെ തളര്ന്നിരിക്കുന്ന അവസ്ഥയില് കണ്ടത്.
ബത്തേരിയില്നിന്നെത്തിയ അഗ്നിരക്ഷാസേനാംഗങ്ങള് ഒന്നര മണിക്കൂറോളം പരിശ്രമിച്ചാണ് താഴെയിറക്കിയത്. ആശുപത്രിയില് എത്തുന്നതിനു തൊട്ടുമുമ്പായിരുന്നു മരണം.
പിതാവ്: കുമാരൻ. ഭാര്യ: വത്സല. മക്കൾ: അർജുൻ, ആതിര. മരുമകൻ: അനീഷ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.