Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightപൗരത്വ ഭേദഗതി...

പൗരത്വ ഭേദഗതി നിയമത്തിനെതിരെ ബി.ജെ.പി സഖ്യകക്ഷിയായ അകാലിദൾ

text_fields
bookmark_border
പൗരത്വ ഭേദഗതി നിയമത്തിനെതിരെ ബി.ജെ.പി സഖ്യകക്ഷിയായ അകാലിദൾ
cancel

ന്യൂഡൽഹി: പൗരത്വ ഭേദഗതി നിയമത്തെ പിന്തുണച്ചിരുന്ന ബി.ജെ.പി സഖ്യകക്ഷി ശിരോമണി അകാലിദൾ മലക്കം മറിഞ്ഞ​ു. പ്രധാനമന്ത്രി വിളിച്ചു ചേർത്ത സർവകക്ഷി യോഗത്തിൽ ശിരോമണി അകാലിദൾ നേതാവും രാജ്യസഭാംഗവുമായ സർദാർ ബൽവീന്ദർ സിങ്​ ബന്ദറാണ്​ നിയമം നടപ്പാക്കരുതെന്ന്​ ശക്​തമായി ആവശ്യപ്പെട്ടത്​. മനുഷ്യരെ വിഭജിക്കുന്ന നിയമത്തിൽ നിന്നും പിന്തിരിയണമെന്നും അദ്ദേഹം ആവശ്യപ്പെട്ടു. എൻ.ഡി.എ ഘടകകക്ഷിയായ അകാലിദളി​​​െൻറ മനംമാറ്റം ബി.​ജെ.പിയെ വെട്ടിലാക്കി.

പൗരത്വഭേദഗതി നിയമത്തിനെതിരെ രാജ്യമാകെ ശക്​തമാകുന്ന പ്രതിഷേധത്തി​​​െൻറ പശ്​ചാത്തലത്തിലാണ്​ ശിരോമണി അകാലിദളി​​​െൻറ മനംമാറ്റം. കഴിഞ്ഞ ദിവസം ബി.ജെ.പി അധ്യക്ഷൻ ജെ.പി നദ്ദയുടെ സാന്നിധ്യത്തിൽ ശിരോമണി അകാലിദൾ നേതാവ്​ സുഖ്​ബീർ സിങ്​ ബാദൽ നിയമത്തെ അനുകൂലിച്ച്​ പ്രസ്​താവന നടത്തിയിരുന്നു. അഫ്​ഗാനിസ്​താനിലെയും പാകിസ്​താനിലെയും സിഖുകാർക്ക്​ ഗുണകരമാകുന്നതിനാലാണ്​ നിയമത്തെ പിന്തുണയ്​ക്കുന്നതെന്നാണ്​ ബാദൽ പറഞ്ഞത്​. നിയമത്തെ എതിർത്ത പ്രതിപക്ഷത്തെപ്പോലും അമ്പരപ്പിച്ചായിരുന്നു അകാലിദളി​​​െൻറ നീക്കം.

ഡൽഹി തെരഞ്ഞെടുപ്പിൽ ബി.ജെ.പിക്ക്​ പിന്തുണ നൽകില്ലെന്ന്​ ഇൗ മാസം ആദ്യം തീരുമാനിച്ച അകാലിദൾ പിന്നീട്​ പൂർണ പിന്തുണ വാഗ്​ദാനം ചെയ്​തിരുന്നു. അതിനിടയിൽ ഇപ്പോഴത്തെ മനംമാറ്റം ബി.ജെ.പി കേന്ദ്രങ്ങളെ അമ്പരപ്പിച്ചിരിക്കുകയാണ്​.

എ.ഐ.ഡി.എം.കെ ഒഴികെയുള്ള പാർട്ടികൾ സർവകക്ഷി യോഗത്തിൽ പീരത്വ ഭേദഗതി നിയമത്തെ രൂക്ഷമായി വിമർശിച്ചു. കശ്​മീരിൽ തടവിൽ കഴിയുന്ന ഫറൂഖ്​ അബ്​ദുല്ലയെയും മകൻ ഉമർ അബളദുല്ലയെയും വിട്ടയക്കണമെന്ന്​ പ്രതിപക്ഷ പാർട്ടികളുടെ നേതാക്കളായ ഗുലാം നബി ആസാദ്​, രാംഗോപാൽ യാദവ്​എന്നിവർ ആവശ്യപ്പെട്ടു.

Show Full Article
TAGS:CAA Anti CAA nda Shiromani Akalidal 
Next Story