അന്നമ്മക്ക്​ ജോളി നൽകിയത്​ ‘ഡോഗ്കിൽ’ വിഷം

കട്ടപ്പന: കൂടത്തായി കൊലപാതക പരമ്പരയി​െല മുഖ്യപ്രതി ജോളിയെ സ്വദേശമായ കട്ടപ്പനയിലെത്തിച്ച്​ തെളിവെടുപ്പ് നട ത്തി. പൊന്നാമറ്റം അന്നമ്മയെ കൊന്നത് പട്ടിയെ കൊല്ലാൻ ഉപയോഗിക്കുന്ന ‘ഡോഗ്കിൽ’ വിഷം നൽകിയെന്ന ജോളിയുടെ മൊഴി യിൽ കൃത്യത വരുത്താനും തെളിവ്​ ശേഖരണത്തിനുമാണ്​ കൊണ്ടുവന്നത്​. തറവാട്ടിലെ പട്ടിയെ കൊന്ന അനുഭവമാണ്​ അന്നമ്മയ െ കൊല്ലുന്നതിൽ പ്രയോഗിച്ചതെന്നായിരുന്നു​ മൊഴി.

മാതാപിതാക്കൾ താമസിക്കുന്ന കട്ടപ്പന നഗരത്തിലെയും വാഴവരയിലെ തറവാട് വീട്ടിലുമാണ്​ ജോളിയെ കൊണ്ടുവന്നത്​. പട്ടിയെ കൊന്നത് കട്ടപ്പനയിൽനിന്ന് വാങ്ങിയ വിഷം ഉപയോഗിച്ചാണ്. എന്നാൽ, അന്നമ്മയെ കൊന്നത് കൂടത്തായിൽനിന്ന് വാങ്ങിയ വിഷം ഉപയോഗിച്ചാണെന്നും രണ്ടാമത്തെ ശ്രമത്തിലാണ് അന്നമ്മ മരിച്ചതെന്നുമാണ്​ ജോളി മുമ്പ്​ മൊഴി നൽകിയത്​. ഈ മൊഴിയുടെ വിശ്വാസ്യത പരിശോധിക്കാനാണ് തറവാട്ട്​​ വീട്ടിൽ കൊണ്ടുവന്നത്. ജോളി പറഞ്ഞ കാര്യങ്ങൾ വാസ്തവമാന്നെന്ന് ഉറപ്പിക്കാൻ വീട്ടുകാരിൽ നിന്നും അയൽവാസികളിൽനിന്നും മൊഴി രേഖപ്പെടുത്തി.

പരിചയമുള്ളവർ വീട്ടിൽ വരുമ്പോൾ ദേഹത്ത് കയറി സ്‌നേഹ പ്രകടനം നടത്തിയിരുന്നതിനാലാണ് വിഷം കൊടുത്ത് നായയെ കൊന്നത്. നായ തൽക്ഷണം​ പിടഞ്ഞുചത്തു. ഇതാണ്​ അന്നമ്മയെ കൊല്ലാൻ ഈ വിഷംതന്നെ തെരഞ്ഞെടുക്കാൻ പ്രചോദനമായത്. ഞരമ്പുവരിഞ്ഞുമുറുകി ക്രൂരമായ മരണം സംഭവിക്കുന്നുവെന്ന് കാട്ടി കേന്ദ്ര സർക്കാർ പിന്നീട് ഈ വിഷം നിരോധിക്കുകയായിരുന്നു.

നഗരത്തിലെ ജോളിയുടെ വീട്ടിലെത്തിയ അന്വേഷണ സംഘം മാതാപിതാക്കളുടെയും സഹോദര​​​​​​​​​െൻറയും മൊഴി രേഖപ്പെടുത്തി. പീന്നീട് കട്ടപ്പന സ്​റ്റേഷനിലെത്തിച്ച് കൂടുതൽ ചോദ്യം ചെയ്തു. അന്വേഷണ ഉദ്യോഗസ്ഥൻ പേരാമ്പ്ര സി.ഐ കെ.കെ. ബിജു, വനിത സെൽ എസ്.ഐ. പത്മിനി, കട്ടപ്പന ഡി.വൈ.എസ്.പി. എൻ.സി.രാജ്‌മോഹൻ, സി.ഐ. വി.എസ്. അനിൽകുമാർ എന്നിവരടങ്ങുന്ന സംഘമാണ് ജോളിയെ തെളിവെടുപ്പിന് എത്തിച്ചത്.