Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightമതിയായ...

മതിയായ യോഗ്യതയില്ലാത്ത എ.ബി.വി.പി നേതാവ്​ അസി. പ്രഫസർ; ജെ.എൻ.യു നിയമനം വിവാദമാകുന്നു

text_fields
bookmark_border
മതിയായ യോഗ്യതയില്ലാത്ത എ.ബി.വി.പി നേതാവ്​ അസി. പ്രഫസർ; ജെ.എൻ.യു നിയമനം വിവാദമാകുന്നു
cancel

ന്യൂഡൽഹി: മതിയായ യോഗ്യതയില്ലാത്ത എ.ബി.വി.പി ​േനതാവിനെ സ്​കൂൾ ഓഫ്​ കമ്പ്യൂട്ടർ ആൻഡ്​ സിസ്​റ്റംസ്​ സയൻസസിൽ (എസ ്​.സി ആൻഡ് എസ്​.എസ്​) അസിസ്​റ്റൻറ്​ പ്രഫസറായി നിയമിച്ചത്​ വിവാദത്തിൽ. തസ്​തികക്ക്​ ആവശ്യമായ അക്കാദമിക യോഗ്യത യില്ലെന്ന ഷോർട്ട്​ ലിസ്​റ്റിങ്​ കമ്മിറ്റിയുടെ നിർദേശം തള്ളിയാണ്​ കമ്പ്യൂ​ട്ടേഷണൽ ആൻഡ്​ സിസ്​റ്റം ബയോളജിയ ിൽ എം.ടെക്​ ഉള്ള ഡോ. സൗരഭ്​ കുമാർ ശർമയെ അസിസ്​റ്റൻറ്​ പ്രഫസറായി നിയമിച്ചത്​.

കമ്പ്യൂട്ടർ സയൻസിൽ എ.ടെക്​, എം.ഇ, അല്ലെങ്കിൽ എം.ഫിൽ ആണ്​ ഈ തസ്​തികക്ക്​ നിഷ്​കർഷിച്ചിരുന്ന യോഗ്യത. ജെ.എൻ.യുവിലെ സ്​കൂൾ ഓഫ്​ കമ്പ്യൂ​ട്ടേഷണൽ ആൻഡ്​ ഇൻറഗ്രേറ്റീവ്​ സയൻസസിൽ (എസ്​.സി.ഐ.എസ്​) നിന്നാണ്​ സൗരഭ്​ എം.ടെക്​ പാസായത്​. സൗരഭിന്​ വൈവയുടെ അന്ന്​ തന്നെ പിഎച്ച്​.ഡി സമ്മാനിച്ചതും വിവാദമായിരുന്നു. പ്രസ്​തുത തസതികയിലേക്ക്​ അപേക്ഷിക്കാൻ സൗകര്യമൊരുക്കുന്നതിനായാണ്​ സൗരഭിന്​ തിരക്കിട്ട്​ പിഎച്ച്​.ഡി സമ്മാനിച്ചതെന്ന്​ അന്ന്​ ആരോപണം ഉയർന്നിരുന്നു. എസ്​.സി ആൻഡ് എസ്​.എസിൽ അസിസ്​റ്റൻറ്​ പ്രഫസറാകുന്നതിനുള്ള സംവരണ പട്ടികയിലും സംവരണേതര പട്ടികയിലും സൗരഭ്​ ഇടംപിടിച്ചു.

വൈസ്​ ചാൻസലർ ഡോ. എം. ജഗദീഷ്​ കുമാർ, എസ്​.സി ആൻഡ് എസ്​.എസ്​ ഡീൻ ഡോ. ടി.വി. വിജയകുമാർ, വിദഗ്​ധരായ അതുൽ ഗോസായി, അഞ്​ജന ഗോസായി, ടി. ചിത്രലേഖ എന്നിവരടങ്ങിയ സെലക്ഷൻ കമ്മിറ്റിയാണ്​ സൗരഭിനെ തെരഞ്ഞെടുത്തത്​. ഇത്തരം നിയമനങ്ങൾ ഇതാദ്യമായല്ല ​െജ.എൻ.യുവിൽ വിവാദമാകുന്നത്​.

ഒക്​ടോബറിൽ സ്​കൂൾ ഓഫ്​ ഇൻററനാഷണൽ സ്​റ്റഡീസിലെ സ​െൻറർ ഫൊർ കനേഡിയൻ, യു.എസ്​ ആൻഡ്​ ലാറ്റിൻ അമേരിക്കൻ സ്​റ്റഡീസിൽ ലാറ്റിൻ അമേരിക്കൻ സ്​റ്റഡീസിൽ അസിസ്​റ്റൻറ്​ പ്രഫസറായി അൻഷു ജോഷിയെ നിയമിച്ചത്​ വിവാദമായിരുന്നു. ഡിസ്​ആംമമ​െൻറിൽ പിഎച്ച്​.ഡിയുള്ള ആളാണ്​ അൻഷു. മലേഷ്യൻ സ്​റ്റഡീസിൽ പിഎച്ച്​.ഡിയുള്ള സ്​നേഹ ഭഗതിനെ കനേഡിയൻ സ്​റ്റഡീസിൽ അസിസ്​റ്റൻറ്​ പ്രഫസറായി നിയമിച്ചതും വിവാദമായിരുന്നു. യോഗ്യതയുള്ള നിരവധി ​പേർ ഉണ്ടായിട്ടും എ.ബി.വി.പി പ്രവർത്തകരാണെന്ന ഒറ്റ ​‘േയാഗ്യത’ ആണ്​ ഇരുവരുടെയും നിയമത്തിന്​ പിന്നിലെന്ന്​ അന്ന്​ ആരോപണമുയർന്നിരുന്നു.

Show Full Article
TAGS:JNU appointment of ABVP leader 
Next Story