ഐ.എസ് അനുകൂല ട്വിറ്റര്‍: അറസ്റ്റിനെതിരെ പൊലീസിന് ഭീഷണി

ബംഗളൂരു: ട്വിറ്ററിലൂടെ ഐ.എസ് അനുകൂല പ്രചാരണം നടത്തിയ മെഹ്ദി മസ്റൂ൪ ബിശ്വാസിൻെറ അറസ്റ്റിനെതിരെ ഭീഷണി. ബംഗളൂരു ഡെപ്യൂട്ടി പൊലീസ് കമ്മീഷണ൪ അഭിഷേക് ഗോയലിന് ട്വിറ്ററിലൂടെയാണ് ഭീഷണി സന്ദേശം ലഭിച്ചത്.

ഞങ്ങളുടെ സഹോദരങ്ങളെ നിങ്ങളുടെ കൈകളിൽ വിടില്ളെന്നും പ്രതികാരം ചെയ്യുമെന്നുമായിരുന്നു ട്വിറ്റ൪ സന്ദേശം. മെഹ്ദി മസ്റൂറിനെ അറസ്റ്റ് ചെയ്തെന്ന അഭിഷേക് ഗോയലിൻെറ ട്വീറ്റിന് മറുപടിയായാണ് ഭീഷണി സന്ദേശം വന്നത്. അതേസമയം ഭീഷണി സന്ദേശങ്ങളെ പൊലീസ് തള്ളിക്കളഞ്ഞു. ഇതിന് കൂടുതൽ പ്രാധാന്യം കൽപിക്കേണ്ടെന്നും ബംഗളൂരു പൊലീസ് പറഞ്ഞു.