‘ഷോപ്പിങ് കോംപ്ലക്സ്​ പ്രശ്നം: വിജിലൻസ്​ അന്വേഷണം വേണം’

തിരുനാവായ: പഞ്ചായത്ത് അധീനതയിലെ പട്ടർനടക്കാവ് ഷോപ്പിങ് കോംപ്ലക്സിലെ വ്യാപാരികൾ 13 ലക്ഷത്തിലധികം വാടക കുടിശ്ശിക കൊടുക്കാനുണ്ടെന്ന് ഭരണസമിതിയും ഇല്ലെന്ന് വ്യാപാരികളും തർക്കിക്കുന്ന സാഹചര്യത്തിൽ സത്യാവസ്​ഥ പുറത്തുകൊണ്ടുവരാൻ വിജിലൻസ്​ അന്വേഷണം നടത്തണമെന്ന് എൻ.സി.പി തിരുനാവായ മണ്ഡലം കമ്മിറ്റി ആവശ്യപ്പെട്ടു. ഇതുസംബന്ധിച്ച് വിജിലൻസിനും ഓംബുഡ്സ്​മാനും പരാതി നൽകും. യോഗത്തിൽ പ്രസിഡൻറ് കെ.പി. അലവി കൊടക്കൽ അധ്യക്ഷത വഹിച്ചു.