കൊളംബിയയില്‍ ചെറുവിമാനം തകര്‍ന്ന് 10 പേര്‍ കൊല്ലപ്പെട്ടു

ബൊഗോട്ട: കൊളംബിയയിൽ സാങ്കേതിക തകരാറിനെ തുട൪ന്ന് ചെറുവിമാനം തക൪ന്ന് 10 പേ൪ കൊല്ലപ്പെട്ടു. മരിച്ചവരിൽ അഞ്ച് പേ൪ കുട്ടികളാണ്. കൊളംബിയൻ തലസ്ഥാനമായ ബൊഗോട്ടയിൽ നിന്നും ബാഹിയ സോലാനോയിലേക്കു പോകുന്ന അമേരിക്കൻ നി൪മിത ചെറുവിമാനമാണ് ബുധനാഴ്ച അപകടത്തിൽ പെട്ടത്. സ്വകാര്യ യാത്രാ കമ്പനിയുടെ ഉടമസ്ഥതയിലുള്ള ഈ വിമാനത്തിലുണ്ടായിരുന്ന എട്ട് യാത്രക്കാരും രണ്ട് ജീവനക്കാരുമാണ് അപകടത്തിൽ പെട്ടത്.

ടോലിമയിലെ മാരിക്വിറ്റ വിമാനത്തവളത്തിനു സമീപത്തു വച്ചായിരുന്നു അപകടം. സാങ്കേതിക തകരാ൪ സംഭവിച്ചതിനെ തുട൪ന്ന് വിമാനം അടിയന്തിരമായി തിരിച്ചിറക്കുന്നതിനായി പൈലറ്റ് ആവശ്യപ്പെട്ടിരുന്നു.