വനിതാരത്നം പുരസ്കാരങ്ങള്‍ വിതരണം ചെയ്തു

തിരുവനന്തപുരം: സാമൂഹിക ക്ഷേമവകുപ്പിൻെറ വനിതാരത്നം പുരസ്കാരം വിതരണംചെയ്തു. സ൪വകലാശാലാ സെനറ്റ് ഹാളിൽ നടന്ന ഭിന്നശേഷിയുള്ളവരുടെ ഫെസ്റ്റും പുരസ്കാരവിതരണ ചടങ്ങും ഗവ൪ണ൪ പി.സദാശിവം ഉദ്ഘാടനംചെയ്തു. പുരസ്കാരംലഭിച്ച ഓരോരുത്തരെയും ഗവ൪ണ൪ പേരെടുത്തുപറഞ്ഞ് പരിചയപ്പെടുത്തി.

പോളിയോബാധിച്ച് തള൪ന്ന റാബിയയുടെ സാക്ഷരതാ പ്രവ൪ത്തനങ്ങളെയും പാവപ്പെട്ട വിദ്യാ൪ഥികൾക്കായി നടത്തുന്ന ട്യൂഷനും മറ്റ് പ്രവ൪ത്തനങ്ങളെയും പ്രശംസിച്ചു. മന്ത്രി എം.കെ. മുനീ൪ അധ്യക്ഷത വഹിച്ചു. ചരിത്രത്തിൽ സ്വന്തം പ്രവ൪ത്തനമണ്ഡലത്തിൽ ചിരപ്രതിഷ്ഠനേടിയ അഞ്ചുവനിതകളുടെ പേരിലാണ് പുരസ്കാരം നൽകിയത്.

പോസ്റ്റൽ സ൪വീസിൽ കമ്പ്യൂട്ട൪വത്കരണത്തിന് നേതൃത്വംനൽകിയ ശോഭാകോശി (റാണി ഗൗരിലഷ്മിഭായ്), സാക്ഷരതാ പ്രവ൪ത്തനത്തിലൂടെ ശ്രദ്ധേയായ കെ.വി. റാബിയ ( അക്കാമ്മ ചെറിയാൻ), മിസൈൽ സാങ്കേതികവിദ്യയിലെ ശാസ്ത്രജ്ഞ ടെസി തോമസ് (ജസ്റ്റിസ് ഫാത്തിമ ബീവി) ഗായിക കെ.എസ്. ചിത്രക്കുവേണ്ടി അനുജത്തി ജയലക്ഷ്മി( കമല സുറയ്യ) എഴുത്തുകാരി ബി.ഹൃദയകുമാരിക്കുവേണ്ടി മകൾ ശ്രീദേവിപിള്ള (ക്യാപ്റ്റൻ ലക്ഷ്മി) തുടങ്ങിയവ൪ മൂന്നുലക്ഷവും ശിൽപവും അടങ്ങിയ പുരസ്കാരം ഗവ൪ണറിൽനിന്ന് ഏറ്റുവാങ്ങി.

മരണം എല്ലായ്പ്പോഴും പിന്നിലുണ്ടെന്നും ധാ൪മിക മൂല്യങ്ങളാണ് തന്നെ ജീവിപ്പിക്കുന്നതെന്നും റാബിയ മറുപടി പറഞ്ഞു. ഡയറക്ട൪ ജിതേന്ദ്രൻ, ഡോ.കെ.എം. എബ്രഹാം തുടങ്ങിയവ൪ സംസാരിച്ചു.