ജില്ലാ സ്കൂള്‍ കായികമേള : മുക്കം മുന്നേറ്റം തുടരുന്നു

കൊയിലാണ്ടി: ഫീല്‍ഡിലും ട്രാക്കിലും പിറ്റിലും ആവേശകരമായ പോരാട്ടങ്ങള്‍ കാഴ്ചവെച്ച് റവന്യൂജില്ലാ സ്കൂള്‍ കായികമേള രണ്ടാം ദിവസം പിന്നിട്ടപ്പോള്‍ 114 പോയന്‍റ് നേടി മുക്കം സബ്ജില്ല ആധിപത്യം തുടരുന്നു. 73 പോയന്‍റ് നേടിയ താമരശ്ശേരി സബ്ജില്ലയാണ് രണ്ടാം സ്ഥാനത്ത്. പേരാമ്പ്ര സബ്ജില്ലയാണ് മൂന്നാം സ്ഥാനത്ത്- 64 പോയന്‍റ്. സ്കൂള്‍ വിഭാഗത്തില്‍ ഒമ്പത് സ്വര്‍ണം, ആറു വെള്ളി, എട്ട് ഓട് എന്നിവ ലഭിച്ച സെന്‍റ് ജോണ്‍സ് എച്ച്.എസ് നെല്ലിപ്പൊയില്‍ 64 പോയന്‍റുമായി ഒന്നാംസ്ഥാനത്താണ്. 11 സ്വര്‍ണം, അഞ്ചുവെള്ളി, രണ്ട് ഓട് എന്നിവ ലഭിച്ച സെന്‍റ് ജോസഫ് എച്ച്.എസ്.എസ് പൂല്ലൂരാംപാറ രണ്ടാം സ്ഥാനത്താണ്- 61 പോയന്‍റ്. 51 പോയന്‍റുമായി കുളത്തുവയല്‍ സെന്‍റ് ജോര്‍ജസാണ് മൂന്നാം സ്ഥാനത്ത്. അഞ്ചു സ്വര്‍ണം, ഏഴ് വെള്ളി, എട്ട് ഓട് എന്നിവ ഇവര്‍ക്ക് ലഭിച്ചു. മേള ഇന്ന് സമാപിക്കും.