കോപ്ടര്‍ അഴിമതിയില്‍ ഉള്‍പെട്ട ഇറ്റാലിയന്‍ കമ്പനി ‘മേക്ക് ഇന്‍ ഇന്ത്യ’ പട്ടികയില്‍

ന്യൂഡൽഹി: വി.വി.ഐ.പി ഹെലികോപ്ട൪ അഴിമതിയിൽ ഉൾപ്പെട്ടതിനെതുട൪ന്ന് രാജ്യം പ്രതിരോധ മന്ത്രാലയ ഇടപാടുകൾക്ക് വിലക്ക് ഏ൪പ്പെടുത്തിയ ഇറ്റാലിയൻ കമ്പനിയായ ഫിൻമെക്കാനിക്ക, ‘മേക്ക് ഇൻ ഇന്ത്യ’ പദ്ധതിയുടെ നിക്ഷേപകരുടെ പട്ടികയിൽ.
അമേരിക്കയിലെ ലോക്ഹീഡ് മാ൪ട്ടിൻ,ബോയിങ്,ബി.എ.ഇ സിസ്റ്റംസ് തുടങ്ങിയ കമ്പനികൾക്കൊപ്പമാണ്‘ഫിൻമെക്കാനിക്ക’യും പട്ടികയിൽ ഇടം പിടിച്ചത്. ‘മേക്ക് ഇൻ ഇന്ത്യ’ വെബ് സൈറ്റിൽ ഇക്കാര്യം വ്യക്തമാക്കുന്നുണ്ട്.
ഇന്ത്യയുമായി സൈനിക ഇടപാടില്ലാത്ത ഫ്രഞ്ച് കമ്പനിയായ ‘റഫേലും’ വെബ്സൈറ്റിൽ വെളിപ്പെടുത്തിയ പട്ടികയിലുണ്ട്.
126 യുദ്ധവിമാനങ്ങൾക്കുവേണ്ട നിക്ഷേപത്തിൻെറ പട്ടികയിലാണ് ഇവരെ ഉൾപ്പെടുത്തിയത്.