മറയൂര്‍ പഞ്ചായത്തില്‍ വളര്‍ത്തുകോഴികള്‍ ചത്തൊടുങ്ങുന്നു

മറയൂര്‍: മറയൂര്‍ ഗ്രാമപഞ്ചായത്തിലെ ഊരുവാസല്‍ പ്രദേശത്ത് വളര്‍ത്തുകോഴികള്‍ കൂട്ടത്തോടെ ചത്തൊടുങ്ങുന്നു. ഒരാഴ്ചക്കുള്ളില്‍ നൂറിലധികം വളര്‍ത്തുകോഴികളാണ് ചത്തത്. ഊരുവാസല്‍ സ്വദേശികളായ കെ.ജെ.ടി. തങ്കച്ചന്‍െറയും പരിസരവാസികളുടെയും കോഴികളാണ് ചത്തത്. രണ്ട് ദിവസത്തിലധികം തീറ്റതിന്നാതെ തൂങ്ങിനിന്ന ശേഷം പിടഞ്ഞ് ചാവുകയാണ്. മൂന്നുമാസം മുമ്പ് കാന്തല്ലൂര്‍ പഞ്ചായത്തിലെ മിഷന്‍ വയല്‍, ചാനല്‍മേട് ഭാഗങ്ങളില്‍ രോഗം ബാധിച്ച നിരവധി കോഴികള്‍ ചത്തിരുന്നു. രോഗം വ്യാപിക്കുന്നുണ്ടെങ്കിലും പ്രതിരോധ പ്രവര്‍ത്തനങ്ങള്‍ സ്വീകരിച്ചിട്ടില്ല. പച്ചില മരുന്നുകളും ചെറിയ അളവില്‍ മദ്യവും നല്‍കിയാണ് കര്‍ഷകര്‍ രോഗത്തെ ചെറുക്കുന്നത്.