കഞ്ചാവുമായി വിദ്യാര്‍ഥികളടക്കം നാലുപേര്‍ പിടിയില്‍

തൊടുപുഴ: അരക്കിലോ കഞ്ചാവുമായി വിദ്യാര്‍ഥികളടക്കം നാലുപേര്‍ പിടിയില്‍. മങ്ങാട്ടുകവല നടുക്കത്തറ ഗൈ്ളസണ്‍ തോമസ് (20), പെരുമ്പിള്ളിച്ചിറ ആനിമൂട്ടില്‍ മുഹമ്മദ് (19), ഏഴല്ലൂര്‍ കളരിക്കല്‍ സഹീര്‍ നാസര്‍ (19), ഇളംദേശം കാഞ്ഞിരത്തിങ്കല്‍ ജിജോ (28) എന്നിവരാണ് അറസ്റ്റിലായത്. ഉച്ചക്ക് ബൈക്കില്‍ സഞ്ചരിച്ച ഗൈ്ളസണ്‍, മുഹമ്മദ് എന്നിവരെ രണ്ടുപൊതി കഞ്ചാവുമായി പൊലീസ് വ്യാഴാഴ്ച ഉച്ചയോടെ പിടികൂടിയിരുന്നു. തുടര്‍ന്ന് നടത്തിയ ചോദ്യം ചെയ്യലില്‍ ചുങ്കത്തുനിന്ന് സഹീറും ജിജോയുമാണ് കഞ്ചാവ് നല്‍കിയതെന്ന് ഇവര്‍ സമ്മതിച്ചു. തുടര്‍ന്ന് തൊടുപുഴ എസ്.ഐ സുബ്രഹ്മണ്യന്‍െറ നേതൃത്വത്തിലെ പൊലീസ് സംഘം ഇരുവരെയും അറസ്റ്റ് ചെയ്യുകയായിരുന്നു. ജിജോ നിരവധി മോഷണക്കേസുകളിലെ പ്രതിയാണ്.