അഫ്ഗാനിസ്താനില്‍ താലിബാന്‍ ആക്രമണത്തില്‍ 33 മരണം

കാബൂൾ: അഫ്ഗാനിസ്താനിലെ ഗസ്നിയിൽ താലിബാൻ നടത്തിയ ആക്രമണത്തിൽ 33 പേ൪ കൊല്ലപ്പെട്ടു. ആക്രമണത്തിൽ 160ലേറെ പേ൪ക്ക് പരിക്കേറ്റിട്ടുണ്ട്. സ്ഫോടകവസ്തുക്കൾ നിറച്ച വാഹനം തീവ്രവാദികൾ അഫ്ഗാൻ ഇൻറലിജൻസ് വിഭാഗത്തിൻെറ കെട്ടിടത്തിലേക്ക് ഇടിച്ചുകയറ്റുകയായിരുന്നു.

സുരക്ഷാ ഉദ്യോഗസ്ഥരുടെ തിരിച്ചടിയിൽ 19 ആക്രമികളും കൊല്ലപ്പെട്ടിട്ടുണ്ട്. ആക്രമണത്തിൽ നഗരത്തിലെ മ്യൂസിയത്തിനും കാര്യമായ കേടുപാട് പറ്റിയിട്ടുണ്ട്. ആക്രമണത്തിൻെറ ഉത്തരവാദിത്തം ഏറ്റെടുക്കുന്നതായി താലിബാൻ ട്വിറ്ററിലൂടെ അറിയിച്ചു.