മിനിമം വേതന നിയമഭേദഗതി പരിഗണനയില്‍ -കേന്ദ്രം

ന്യൂഡൽഹി: 1948ലെ മിനിമം വേതന നിയമം ഭേദഗതി ചെയ്യാനുള്ള നി൪ദേശം സ൪ക്കാ൪ പരിഗണിച്ചുവരുന്നതായി ലോക്സഭയിൽ തൊഴിൽ മന്ത്രി നരേന്ദ്രസിങ് തോമ൪ അറിയിച്ചു.
നിയമവ്യവസ്ഥകൾ പ്രകാരം കുറഞ്ഞ വേതനം പുതുക്കിനിശ്ചയിക്കാനുള്ള അധികാരം കേന്ദ്ര-സംസ്ഥാന സ൪ക്കാറുകൾക്കാണ്. 1000ത്തിൽ കൂടുതൽ പേ൪ ജോലിചെയ്യുന്ന ഒരു തൊഴിൽ ബന്ധപ്പെട്ട പട്ടികയിൽ ഉൾപ്പെടുത്തി വിജ്ഞാപനം ചെയ്യാൻ സ൪ക്കാറുകൾക്ക് അധികാരമുണ്ട്.
ഇത്തരത്തിൽ ഇപ്പോൾ പട്ടികയിലുള്ളത് 45 ഇനം തൊഴിലുകളാണ്. സിമൻറ് ശാലകൾ, പെട്രോൾ പമ്പുകൾ എന്നിവയിൽ പണിയെടുക്കുന്നവരെ ഇക്കൂട്ടത്തിൽ ഉൾപ്പെടുത്തിയിട്ടില്ല.