റോഡരികില്‍ മരങ്ങള്‍ കൂട്ടിയിടുന്നത് തടസ്സമായി

പനമരം: ബീനാച്ചി-പനമരം റോഡരികില്‍ മരങ്ങള്‍ കൂട്ടിയിടുന്നത് വാഹനങ്ങള്‍ക്ക് തടസ്സമാകുന്നു. 20 കിലോ മീറ്ററിനുള്ളില്‍ 20ഓളം ഭാഗത്ത് മരങ്ങള്‍ കൂട്ടിയിട്ടിട്ടുണ്ട്. പുഞ്ചവയലില്‍ സ്വകാര്യ എസ്റ്റേറ്റില്‍നിന്നുള്ള മരങ്ങള്‍ റോഡിലത്തെിച്ചാണ് ലോറിയില്‍ കയറ്റുന്നത്. മാസങ്ങളായി കൂട്ടിയിട്ട മരങ്ങള്‍ ഇവിടെയുണ്ട്. കേണിച്ചിറക്കടുത്തും യൂക്കാലിക്കവലയിലും സി.സിയിലും ഇത്തരം മരങ്ങള്‍ വാഹനങ്ങള്‍ക്ക് തടസ്സമുണ്ടാക്കുന്നു. ബീനാച്ചി–പനമരം റോഡിന് പൊതുവെ വീതി കുറവാണ്. വാഹനങ്ങള്‍ക്ക് പെട്ടെന്ന് സൈഡ് കൊടുക്കേണ്ടി വരുമ്പോഴാണ് മരം പ്രശ്നം സൃഷ്ടിക്കുന്നത്. മുമ്പ് ഈ രീതിയില്‍ അപകടങ്ങളുണ്ടായിട്ടുണ്ട്.