കാലവര്‍ഷം ശക്തി പ്രാപിച്ചു: കടല്‍ക്ഷോഭത്തിന് സാധ്യത

തിരുവനന്തപുരം: കേരളത്തിൽ തെക്കുപടിഞ്ഞാറൻ കാലവ൪ഷം ശക്തി പ്രാപിക്കുന്നു.ലക്ഷദ്വീപിലും കാലവ൪ഷം ശക്തമായി. ചൊവ്വ, ബുധൻ ദിവസങ്ങളിൽ കേരളത്തിലും ലക്ഷദ്വീപിലും ശക്തമായ മഴക്ക് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. ചൊവ്വാഴ്ച രാവിലെ വരെ സംസ്ഥാനത്ത് ഇടിയോടെയുള്ള ശക്തമായ മഴക്കും സാധ്യതയുണ്ട്.
50-60 കി.മീ വേഗത്തിൽ കാറ്റുവീശാനിടയുള്ളതിനാൽ മത്സ്യത്തൊഴിലാളികൾ ശ്രദ്ധിക്കണം.കേരള തീരത്തും ലക്ഷദ്വീപിലും കടൽക്ഷോഭത്തിന് സാധ്യതയുണ്ട്.
തിങ്കളാഴ്ച രാവിലെ വരെ ശക്തമായ മഴ രേഖപ്പെടുത്തിയ സ്ഥലങ്ങൾ: പൂക്കോട്(വയനാട്) -15 സെ.മീ, കുട്ലു (കാസ൪കോട് )-13സെ.മീ , കോഴിക്കോട്,ഹോസ്ദു൪ഗ്, മാനന്തവാടി -12 സെ.മീ, തളിപ്പറമ്പ് കണ്ണൂ൪ -11 സെ.മീ,കരിപ്പൂ൪ മലപ്പുറം, പിറവം, ഇടുക്കി, വടകര, വൈത്തിരി- 10 സെ.മീ, കണ്ണൂ൪, തലശ്ശേരി, മട്ടന്നൂ൪, ചെറുതാഴം, വാഴത്തോപ്പ് പീരുമേട് -ഒമ്പത് സെ.മീ, മൂന്നാ൪, കോഴ (കോട്ടയം ) -ഏഴ് സെ.മീ. കുറഞ്ഞ മഴ രേഖപ്പെടുത്തിയത് പുനലൂ൪, (കൊല്ലം), നെയ്യാറ്റിൻകര (തിരുവനന്തപുരം) എന്നിവിടങ്ങളിലാണ് -ഒരു സെ.മീ.
പുനലൂരും തിരുവനന്തപുരത്തുമാണ് കൂടിയ ചൂട് രേഖപ്പെടുത്തിയത്, 31 ഡിഗ്രി. കുറഞ്ഞ ചൂടായ 26 ഡിഗ്രി സെൽഷ്യസ് കണ്ണൂ൪, കരിപ്പൂ൪, കോഴിക്കോട് എന്നിവിടങ്ങളിലും രേഖപ്പെടുത്തി.