‘ഡോക്ടര്‍മാരുടെ അഭാവം പരിഹരിക്കണം’

ചേര്‍ത്തല: മഴക്കാല രോഗങ്ങല്‍ പടര്‍ന്നുപിടിച്ച സാഹചര്യത്തില്‍ താലൂക്ക് ആശുപത്രി, കമ്യൂണിറ്റി ഹെല്‍ത്ത് സെന്‍ററുകള്‍, പ്രാഥമികാരോഗ്യ കേന്ദ്രങ്ങള്‍ എന്നിവിടങ്ങളിലെ ഡോക്ടര്‍മാരുടെ അഭാവം പരിഹരിക്കണമെന്ന് താലൂക്ക് വികസന സമിതി യോഗം ആവശ്യപ്പെട്ടു. ജപ്പാന്‍ കുടിവെള്ള പൈപ്പിന്‍െറ ഗുണനിലവാരമില്ലായ്മ സംബന്ധിച്ച് വിജിലന്‍സ് അന്വേഷണം നടത്തണം. ചേര്‍ത്തല തെക്ക്, അരൂക്കുറ്റി, പെരുമ്പളം എന്നീ പഞ്ചായത്തുകളിലെ ജലവിതരണ പ്രശ്നങ്ങള്‍ പരിഹരിക്കുക, ചേന്നംപള്ളിപ്പുറം പഞ്ചായത്തിലെ കായല്‍ പ്രദേശങ്ങളില്‍ കല്‍ക്കെട്ട് പണിയുക തുടങ്ങിയ ആവശ്യങ്ങളും യോഗം ഉന്നയിച്ചു. ആഗസ്റ്റ് ഒന്നാം തീയതിയോടെ പള്ളിപ്പുറം മലബാര്‍ സിമന്‍റ്സ് കമ്പനി തുറന്നുപ്രവര്‍ത്തിക്കുമെന്നും ജപ്പാന്‍ കുടിവെള്ള പദ്ധതിയുടെ തകരാര്‍ പരിഹരിക്കുന്നതിന് 60 കോടി രൂപ നബാര്‍ഡില്‍നിന്ന് അനുവദിച്ചതായും യോഗത്തില്‍ പങ്കെടുത്ത എ.എം. ആരിഫ് എം.എല്‍.എ പറഞ്ഞു. ചേര്‍ത്തല വടക്കേയങ്ങാടി കവല വികസനത്തിന് നടപടി സ്വീകരിച്ച പി. തിലോത്തമന്‍ എം.എല്‍.എയെ യോഗത്തില്‍ അഭിനന്ദിച്ചു. പഞ്ചായത്ത് പ്രസിഡന്‍റുമാരായ ടി.കെ. ശശികല, കെ. പത്മാവതിയമ്മ, എം.എസ്. ജഗദംബ, എന്‍.എം. ബഷീര്‍ എന്നിവരും വിവിധ രാഷ്ട്രീയകക്ഷി നേതാക്കളും താലൂക്കിലെ ഉദ്യോഗസ്ഥ മേധാവികളും യോഗത്തില്‍ പങ്കെടുത്തു.