മദ്യശാലക്കെതിരെ മെഴുകുതിരി തെളിച്ച് സമരം

വൈപ്പിന്‍: ചെറായിലെ ബിവറേജ്സ് മദ്യശാലക്കെതിരെ ജനകീയ സമര സമിതിയുടെ നേതൃത്വത്തില്‍ നടത്തുന്ന പ്രതിഷേധത്തിന്‍െറ ഭാഗമായി പകല്‍ മെഴുകുതിരി തെളിച്ച് പ്രതീകാത്മക സമരം നടത്തി. ഹൈകോടതി ഉത്തരവിട്ടിട്ടും മാറ്റിസ്ഥാപിക്കാത്ത നടപടിയില്‍ പ്രതിഷേധിച്ചാണ് നടപടി. ജില്ലാപഞ്ചായത്തംഗം വിജയ മോഹന്‍ ഉദ്ഘാടനം ചെയ്തു. വി.എക്സ്. ബെനഡിക്ട് അധ്യക്ഷത വഹിച്ചു. മാനസ മുകുന്ദന്‍, സി.ആര്‍. സുനില്‍, കെ.ബി.വേണു, മണിയപ്പന്‍ ചെറായി എന്നിവര്‍ സംസാരിച്ചു. കോടതി ഉത്തരവ് നടപ്പിലാക്കാന്‍ സര്‍ക്കാില്‍ സമ്മര്‍ദം ചെലുത്തണമെന്നാവശ്യപ്പെട്ട് എം.എല്‍.എക്കും എം.പിക്കും സങ്കട ഹരജി നല്‍കിയതായി ഭാരവാഹികള്‍ പറഞ്ഞു. കോടതിവിധി വന്നതിന് ശേഷവും മദ്യശാലക്ക് അനുമതി പുതുക്കിനല്‍കിയിരുന്നു.