Top
Begin typing your search above and press return to search.
exit_to_app
exit_to_app
Homechevron_rightSportschevron_rightOther Gameschevron_rightBadmintonchevron_rightഖത്തറില്‍...

ഖത്തറില്‍ പാര്‍ലമെന്‍റ് രൂപവല്‍കരിക്കണമെന്ന് വിദ്യാര്‍ഥികള്‍

text_fields
bookmark_border
ഖത്തറില്‍ പാര്‍ലമെന്‍റ് രൂപവല്‍കരിക്കണമെന്ന് വിദ്യാര്‍ഥികള്‍
cancel

ദോഹ: ഖത്തറിൽ പാ൪ലമെൻറ് സ്ഥാപിക്കണമെന്ന ആവശ്യത്തോട് രാജ്യത്തെ യൂനിവേഴ്സിററി വിദ്യാ൪ഥികളിൽ ഭൂരിഭാഗവും അനുകൂലിക്കുന്നതായി ഖത്ത൪ ഫൗണ്ടേഷൻെറ ഭാഗമായ സാമൂഹ്യവികസന കേന്ദ്രത്തിലെ റിസ൪ച്ച് ആൻറ് സോഷ്യൽ സ്റ്റഡീസ് ഡിപ്പാ൪ട്ട്മെൻറ് നടത്തിയ സ൪വേ റിപ്പോ൪ട്ട്. സ൪വേയിൽ പങ്കെടുത്തവരിൽ 41 ശതമാനം പേരും പാ൪ലമെൻറ് വേണമെന്ന് ശക്തമായി വാദിച്ചു. ജനങ്ങൾക്ക് പൊതുകാര്യങ്ങളിൽ കൂടുതൽ കാര്യക്ഷമമായി പങ്കെടുക്കാൻ പാ൪ലമെൻറ് വഴി സാധിക്കുമെന്ന് അവ൪ പറഞ്ഞു. സ൪വേയിൽ പങ്കെടുത്തവരിൽ ചെറിയ വിഭാഗം മാത്രമാണ് ഇതിനോട് വിയോജിച്ചത്. മാന്യമായ ജീവിതം നയിക്കുന്നതിന് ഗവൺമെൻറ് ആവശ്യമായ സൗകര്യങ്ങൾ ചെയ്യുന്നുണ്ടന്നാണ് അവ൪ പറയുന്നത്. പാ൪ലമെൻറ് രൂപവൽകരിക്കുന്നത് രാജ്യത്ത് നെഗറ്റീവ് ഇംപാക്ട് ആണുണ്ടാക്കുകയെന്ന് അവ൪ പറഞ്ഞു.
വസ്ത്രധാരണത്തിൽ ഖത്തറിൻെറ പാരമ്പര്യം നിലനി൪ത്തണമെന്ന കാര്യത്തിൽ സ്ത്രീകളെ അപേക്ഷിച്ച് കൂടുതൽ പുരുഷന്മാരാണ് അനുകൂല അഭിപ്രായം രേഖപ്പെടുത്തിയത്. സ൪വേയിൽ പങ്കെടുത്ത പുരുഷന്മാരിൽ 73.7 ശതമാനവും ഖത്തറിലെ പരമ്പരാഗത വസ്ത്രധാരണ രീതി പിന്തുടരണമെന്നാണ് പറഞ്ഞത്. ഇത് മറ്റുളളവ൪ക്കിടയിൽ തങ്ങളുടെ വ്യക്തിത്വം കാത്തുസൂക്ഷിച്ച് ജീവിക്കാൻ സഹായിക്കുമെന്നും അവ൪ പറയുന്നു.
എന്നാൽ സ൪വ്വേ ചോദ്യങ്ങളോട് പ്രതികരിച്ച 22 ശതമാനം സ്ത്രീകൾ മാത്രമാണ് പരമ്പരാഗത വസ്ത്രങ്ങൾ ധരിക്കേണ്ടതിൻെറ ആവശ്യകതയെക്കുറിച്ച് പറഞ്ഞത്. സയൻസ് ഹ്യുമാനിററീസ് വിഷയങ്ങൾ പഠിക്കുന്ന ഖത്ത൪ യൂണിവേഴ്സിററിയിലെ 269 വിദ്യാ൪ത്ഥികളെ പലയിടത്ത് നിന്നായി തെരെഞ്ഞെടുത്താണ് സ൪വ്വേ നടത്തിയത്. സ൪വ്വേയിൽ പങ്കെടുത്തവരിൽ വലിയൊരു വിഭാഗവും സ്ത്രീകളായിരുന്നു. രാജ്യത്തെ ബാധിക്കുന്ന നിരവധി ചോദ്യങ്ങളിൽ സ൪വ്വേയിൽ പങ്കെടുത്തവ൪ പ്രതികരിച്ചു. പതിനാറിനും ഇരുപത്തഞ്ചിനും ഇടയിൽ പ്രായമുള്ള കുട്ടികൾ പങ്കെടുത്ത സ൪വ്വേ നാല് മാസം നീണ്ടുനിന്നു.

Show Full Article
TAGS:
Next Story