വിദ്യാലയങ്ങളെ മദ്യ-ലഹരി മുക്തമാക്കാന്‍ ‘ക്ളീന്‍ കാമ്പസ്, സേഫ് കാമ്പസ്’ പദ്ധതി

തിരുവനന്തപുരം: സ്കൂൾ, കോളജ് വിദ്യാ൪ഥികൾക്കിടയിലെ മദ്യ-ലഹരി ഉപയോഗം തടയുന്നതിന് വിദ്യാഭ്യാസവകുപ്പും ആഭ്യന്തര വകുപ്പും ചേ൪ന്ന് തീവ്രയജ്ഞപദ്ധതി നടപ്പാക്കും. ‘ക്ളീൻ കാമ്പസ്, സേഫ് കാമ്പസ്’ പരിപാടിയുടെ സംസ്ഥാനതല ഉദ്ഘാടനം 13ന് മുഖ്യമന്ത്രി ഉമ്മൻ ചാണ്ടി തിരുവനന്തപുരത്ത് നി൪വഹിക്കുമെന്ന് മന്ത്രിമാരായ രമേശ് ചെന്നിത്തലയും പി.കെ. അബ്ദുറബ്ബും സംയുക്ത വാ൪ത്താസമ്മേളനത്തിൽ അറിയിച്ചു.
ആദ്യഘട്ടത്തിൽ സ്കൂൾ വിദ്യാ൪ഥികളെ മദ്യം, മയക്കുമരുന്ന്, പുകയില, പാൻമസാല ഉപയോഗത്തിൽനിന്ന് പിന്തിരിപ്പിക്കാനാണ് ഉദ്ദേശിക്കുന്നത്. ഇതിനായി വിദ്യാലയ പരിസരങ്ങളിലെ ലഹരി ഉൽപന്നങ്ങളുടെ വിൽപന പൂ൪ണമായും തടയും. ഇൻറലിജൻസ് റിപ്പോ൪ട്ടിൻെറ അടിസ്ഥാനത്തിൽ വിദ്യാഭ്യാസ സ്ഥാപനങ്ങളുടെ പരിസരങ്ങളിലുള്ള കടകളിൽ വ്യാപക പരിശോധന നടത്തിയിരുന്നു. കഞ്ചാവ്, പാൻമസാല, പുകയില ഉൽപന്നങ്ങൾ തുടങ്ങിയവ വൻതോതിൽ വിറ്റഴിക്കുന്നതായി കണ്ടത്തെിയതായി മന്ത്രി രമേശ് ചെന്നിത്തല പറഞ്ഞു. ഇടുക്കിയിൽ കഞ്ചാവ് കൃഷി തടയാൻ കഴിഞ്ഞിട്ടുണ്ടെങ്കിലും ഇതര സംസ്ഥാനങ്ങളിൽനിന്ന് കഞ്ചാവ് സംസ്ഥാനത്തിൻെറ വിവിധ ഭാഗങ്ങളിൽ എത്തുന്നുണ്ട്. ഇത്തരം ലഹരി ഉൽപന്നങ്ങൾ കുട്ടികൾ ഉൾപ്പെടെയുള്ളവ൪ക്ക് എത്തിക്കുന്നതായി റിപ്പോ൪ട്ടുണ്ട്.
വിദ്യാലയപരിസരങ്ങളിൽ ലഹരിപദാ൪ഥങ്ങൾ വിൽപന നടത്തുന്നവ൪ക്കെതിരെ ക൪ശന വകുപ്പുകൾ പ്രകാരം കേസെടുക്കും. ജാഗ്രതാ സമിതികളുടെ നേതൃത്വത്തിലാണ് പദ്ധതി നടപ്പാക്കുന്നത്. സ്കൂൾ ജാഗ്രതാ സമിതികളുടെ പ്രവ൪ത്തനം കൂടുതൽ കാര്യക്ഷമമാക്കും. ജൂൺ 20ന് മുമ്പ് ജില്ലാതല ജാഗ്രതാ സമിതികൾ കലക്ട൪മാരുടെ അധ്യക്ഷതയിൽ യോഗം ചേരും. 30ന് മുമ്പ് ജാഗ്രതാ സമിതി യോഗങ്ങൾ എല്ലാ സ്കൂളിലും ചേരണം. ലഹരിവിരുദ്ധ പ്രവ൪ത്തനങ്ങൾക്കായി പ്രചാരണ പരിപാടികൾ സംഘടിപ്പിക്കുമെന്നും മന്ത്രിമാ൪ അറിയിച്ചു.
സ്റ്റുഡൻറ് പൊലീസ് എല്ലാ സ്കൂളിലേക്കും
സ്റ്റുഡൻറ് പൊലീസ് കേഡറ്റ് പദ്ധതി അൺഎയ്ഡഡ് ഉൾപ്പെടെയുള്ള സംസ്ഥാനത്തെ എല്ലാ സ്കൂളിലേക്കും വ്യാപിപ്പിക്കുമെന്ന് വിദ്യാഭ്യാസമന്ത്രി പി.കെ. അബ്ദുറബ്ബ്. അൺഎയ്ഡഡ്, സി.ബി.എസ്.ഇ, എയ്ഡഡ് സ്കൂളുകൾ പദ്ധതി നടപ്പാക്കാൻ മുന്നോട്ടുവന്നിട്ടുണ്ട്. ലഹരിവരുദ്ധ പ്രവ൪ത്തനങ്ങളിൽ സ്റ്റുഡൻറ് പൊലീസ് കേഡറ്റ് പ്രധാന പങ്ക് വഹിക്കും. 44 പേരടങ്ങിയ ഒരു സ്റ്റുഡൻറ് പൊലീസ് യൂനിറ്റിന് രണ്ട് ലക്ഷം രൂപയാണ് ചെലവ് വരിക. ഇത് ഏറ്റെടുക്കാൻ മാനേജ്മെൻറുകളും പി.ടി.എകളും തയാറായ സാഹചര്യത്തിലാണ് പദ്ധതി എല്ലാ സ്കൂളിലേക്കും വ്യാപിപ്പിക്കുന്നത്.