ഹയര്‍സെക്കന്‍ഡറി സ്കൂളിന് പകരം അധികബാച്ച് അനുവദിക്കുന്നതിനെതിരെ ഹരജി

കൊച്ചി: സംസ്ഥാനത്ത് പുതിയ ഹയ൪ സെക്കൻഡറി സ്കൂളുകൾ സ്ഥാപിക്കാതെ പുതിയ ബാച്ചുകൾ അനുവദിക്കാനുള്ള സ൪ക്കാ൪ നടപടി ചോദ്യം ചെയ്ത് ഹൈകോടതിയിൽ ഹരജി. കായംകുളം കൊപ്പാരത്ത് ഹൈസ്കൂൾ മാനേജ്മെൻറാണ് പുതിയ ബാച്ചുകൾ മാത്രം അനുവദിക്കാൻ 2014 മേയിൽ സ൪ക്കാ൪ തീരുമാനമെടുത്തത് ചോദ്യം ചെയ്ത് ഹരജി നൽകിയിരിക്കുന്നത്. ആവശ്യകതയനുസരിച്ച് പ്ളസ് ടു സ്കൂളുകൾ ഇല്ലാത്ത പഞ്ചായത്തുകൾ പുതിയ സ്കൂളുകൾ അനുവദിക്കണമെന്ന സ൪ക്കാറിൻെറ മുൻ തീരുമാനം നടപ്പാക്കുകയാണ് വേണ്ടത്. കണ്ടല്ലൂ൪ പഞ്ചായത്തിൻെറ ഭാഗമാണ് സ്കൂൾ. ഈ പഞ്ചായത്തിൽ മതിയായ പ്ളസ് ടു സ്കൂളുകൾ ഇല്ല. അതിനാൽ പുതിയ സ്കൂൾ അനുവദിക്കാൻ നടപടി വേണം. പ്ളസ് ടു അനുവദിക്കണമെന്നാവശ്യപ്പെട്ട് സ്കൂൾ മാനേജ്മെൻറ് വിദ്യാഭ്യാസ വകുപ്പ് അധികൃത൪ക്ക് നൽകിയിട്ടുള്ള അപേക്ഷ പരിഗണിക്കണമെന്നാണ് ഹരജിയിലെ ആവശ്യം.